Ka Nonanona, Volume III, Number 24, 17 April 1844 — Page 229
KA NONANONA.
" E ka mea hiamoe, e hele oe i ka nonanona, e nana i kona aoao a e hoonaauao iho." Solomona.
Buke 3. HONOLULU, OAHU, APERILA 17, 1844. Pepa 24.
BATIMEA PUAAIKI. MOKUNA.V. Ke kula ma Wailuku e ao ia na hoahanau ma ka ke Akua olelo. Ka nana a Batimea. Ua kohoia oia he luna ekalesia Kona ikaika i ka wa i nininiia mai ka Uhane Hemolele. Ua hoolilo ia ia i ka-huna pule. Kona noho ana i Honuaula. Kona mai a me kona make ana. "E noi oukou i ka Haku nana ke kihapai ai, e hoouna oia i na lawehana iloko o kana kihapai." O ka hoolaha i ka olelo a ke Akua ma na aina a pau loa, o ka hai aku i ka uanelio iloko o na pepeiao o na kanaka a pau a puni ka honua, he hana nui loa ia. No ka nui o keia hana, a no ka poho pinepine ana o ka poe ike ole i ka Haku, ua manao ia, he pono e kokua mai na mea a pau e hiki ke hana. E like me ka hana a ka poe hoiliili palaoa. Ina oo ka palaoa, a hiki mai ka wa pilikia, aneane ua mui paha, puu lou na mea hiki ke hoiliili i ke kiia, aole hoole ia kekahi no kona hemahema iki. Pela ma ko ke Akua kihapai, ma ka hoiliili Uhane; aole pono ke kali a liuliu i lilo na haumana o na kula nui, he poe naauao; aole pono e hoole ia na hoahanau makemake e hana, no ka mea, nui ka waiwai i poho malaila. Ma Wailuku, ua ae ia mai kekahi poe hoahanau maoli e kokua, ma na mea e hiki ai, ia makou ma ka ka Haku hana. Na maua me Limaikaika i wae aku i kekahi poe o ka ekalesia, he iwakalua paha, a ao aku maua ia lakou ma na mea e naauao ai lakou, a ma na mea e hiki ai ke ao lakou i na kanaka kuaaina o Ho- | nuaula, o Kula, a o Hamakua. Aole maua manao e lilo ai ia poe, he poe naauao loa, no ku mea, he poe elemakule kekahi poe, he kanalima paha makahiki ko kekahi, he kanaha ko kekahi, a he kanakolu a keu aku ka nui. Ua ao nui aku maua ia lakou e heluhelu i ka Baibala, a ua ao aku maua ia lakou i ke ano o na mea a lakou i heluhelu ai, i hiki ia lakou ke ao aku ia hai. Na Limaikaika i ao aku ia lakou i ke Kauoha Kahiko, e hoomaka ana ma Kinohi, e hoakaka ana i na mea pohihihi. Nana no hoi i ao aku ia lakou i ka Hulikanaka. Ua heluhelu pu au me lakou i ke Kauoha Hou, me ka hoakaka aku i na mea pohihihi; a ua ao aku au ia lakou i ka Mooolelo Ekalesia. Ua kamailio pinepine maua me lakou ma na mea e emi ai ko lakou hemahema, a me ko lakou kuhi hewa ana. I ko maua manao, ua mahuahua iki ko lakou naauao ma ka ke Akua olelo, a ma na mea e pili ana i ka Uhane. Ua hele pinepine lakou o hooikaika aku i na kanaka o ia wahi aku, o ia wahi aku. I ka la hope, e ike ia ka hua o ka la-kou hana ana. Nui ko Batimea ikaika mu keia kula. Ua hana pinepine ia mamua i ka hana a ke kahuna pule. Aka, aole mea e ae i ike i kona hemahema a me ka naaupo e like me ia. Aole mea e ae i makemake naauao me ia. He oiaio no, ua pololi oia, a makewai hoi no ka ike, no ia mea, mahuahua kona naauao. I ka mahuahua ana o na hoahanau ekalesia i (Wailuku, M. l. 1838, |