Ka Nonanona, Volume III, Number 24, 17 April 1844 — Page 231

Pehea la hoi e pau ai ke kolohe a me ka haunaele o na kamalii i ka manawa kula? Ua like ke kula i keia manawa me ka   hula, he wahi paani a me ke kolohe wale no. Ina hoopai ke kumu i ka poe kolohe, holo lakou   i ke kula    Farani.       A i ole ia, noho wale iho no lakou ma ka hale.              Eia kekahi hewa o na kula; ka hoopohoia o ka uku o na kumu.   l kela makahi- ki mamua aku,   ua uku ia na kumu ma ke kapa hapalua; Ina he kapa elua paa, ua oki ia mawaena, i elua   apana, he hapaha kekahi, a he hapa ha kekahi.   Ina lawe aku na kumu   i keia mau   kapa kuai he hapawalu wale no ka uku i loaa mai.   Nolaila poho    kekahi hapaina o ka lakou waiwai no ke aupuni mai; a o ka waiwai i auhau ia i na makua, na poho ka nui o ia no ka loaa ole mai.   Hoole na makua aole e haa- wi mai.     A    i   keia makahiki i hala aku nei, na ke kahakula i hoopoho wale i ka uku   o kekahi poe kumu.   Ua hoakaka e oia i ko lakou uku ma ka la, a ua ao aku lakou me ka molowa ole, e   kuhi ana he oia-io ka   olelo a ke kahukula.   Aka   i ka   ma-nawa i uku ia'ku ai lakou, ua hoopoho wale ia kekahi hapa o ka uku me ka hoakaka ole ia o ke kumu o ka poho ana.         Pehea la keia?                               (Aole pau.)

                 NO    KA    AWA.

   Nawai i kauoha kekahi mau kanaka o Oahu nei e kanu e kanu awa ma ko la-kou aina? Ua i mai kekahi mau kanaka ia'u ua kauoha ia lakou e mahi   i mala awa.   Pela io anei? na   wai mai keia   kauoha? Na ke lii anei? Na ke kiaaina anei? na wai, nawai mai keia kauoha?   E hai mai paha oe e ka mea nana mai keia hana. He awa aha keia e mahi nei?   I ka nana'ku o ka awa e inu nei, a e halihali nei, a e mahi nei, no ka ona no ka nui.

  E na lii, pehea ko oukou inoa kau-

lana no ka haalele i na mea ona a pau.     POi^.iKi,

NO NA KUMU.     HELU   3. Eia ko'u manao hou; Mai hoowahawaha i na kumu mua o ka naauao, A    manao kekahi e kukulu i hale nui   a maikai, aole anei e pono ia ia e hoomakaukau i ke kahua a hoonoho pono   i ke kumu ? E pono ia kakou e   hoomakaukau,    a e kukulu i hale nui, akea, maikai,     nauwewe ole.   Nolaila   e   kohi   a   e   hoonoho pono   i kumu paa.   Hookahi wale no kumu   nauweuwe   ole    no ka hale a kakou e kukulu ai;   o ka makau ia Iehova.     Oia hookahi ke kumu maikai loa.   Pela Solomona,    "O ka mole o ka naauao, oia ka makau ia Iehova ."     Oia, hoi   ke kumu pono ke hoonoho mua   ia malalo loa.    "O ka makau   ia    Iehova,    oia ka hoomaka ana o ka ike." O ka nele i keia kumu   ole,   ka mea i hoka pinepine ai ka kakou    hana ana.       Nolaila    lilo pinepine ka kakou hana i mea ole, e like me ka mea kukulu hale pohaku, a kiekie a maikai iki na paia, hiolo koke   no    ke    kumu    ole;    me

ka mea   hana   moku hoi me na   kia kiekie, a nui a maikai na pea, i kahuli   nae no ka ololi o ke kaele, a me ka uuku o ka pohaku iloko.   Ua ike pinepine   ia   keia   iwaena o na haumana no Lahainaluna   aku a no na kula a pau loa. Owai ke kumu o kakou   i launa   ole keia   pilikia ia ia?   Auhea   ke kula ma   Hawaii nei i hoomau na   haumana i ka imi ana i ka   ike a naauao e like me na mea naauao nui o na aina e? Heaha hoi ka mea i hoomau ole ai ka kakou poe   haumana   ma   ka ike a naauao loa?   Nui no na kumu o keia hoo-mau ole ana.   O ko lakou makau ole ia Iehova, a lilo i ka hewa a me ke kolohe, oia ka mea nui e keakea ai i ka kakou hana ma ka hoonaauao ana.   Aole anei pola? lna pela,   eia