Ka Nonanona, Volume III, Number 24, 17 April 1844 — Page 232
232 KA N O N A N O N A . APERILA,
kekahi mea a kakou e imi nui, e imi koke, e imi me ka hoomanawanui, a e imi me ka makemake ikaika hoi, i lilo ka kakou poe haumana i poe makau ia Iehova a malama i ka po-no. Alaila ua loaa ia lakou ka mole o ka naauao, a ua makehewa ole ka kakou hana a pau. D. B. LAIMANA. NO KA HANA A KEKAHI MOKU OKOHOLA. Maunakilika, Maraki 27, 1844 O kekahi moku okohola, ua holo mai mai Maui mai, a ku mawaho o Waikiki, o Ea gle ka inoa o ua mo- ku la, o Perry ke kapena; maluna o ia moku o Paalua ke keiki a Kaeo, ua lele mai no ua keiki la mauka nei a hele ma kahi o M. Kekauonohi, a hoi aku no i ka moku, nolaila, manao o M. Kekauonohi e kii aku i ua keiki la. Nolaila, palapala aku ke Kiaaina M. Kekuanaoaia W. Hooper ke kanikele Amerika, e kauoha aku ana ia ia e kii aku i ua keiki la. Oia ka la 22 o Maraki, ! A mahope, hele aku o W. P. Leleiohoku a ma ka hale o ke Kanikele, e ninau pono i ka paa ana o ka inoa o ua keiki la ma ka palapala o ka moku, a hoike mai la ke Kanikele i ka palapala o ka moku, a me ka inoa o ua keiki la i kakau ia. A olelo mui la ke Kanikele, aole e hiki ke lawe i ke keiki, no ka mea, ua paa kona inoa ma ka palapala o ka moku, oia hoi ka palapala a ka ona. A pau ia, hoi mai o W. P. Leleioho-ku, a kakau ia kekahi mau palapala e nonoi aku ana i ke kapena e lawe mai i ke keiki, a e hookolokolo pono. A kakauia ka inoa o M. Kekuanaoa a me kona wepa a me ka inoa o M. Kekauonohi, a haawi ia | na ka lima o F, W. Thompson ka nakai nui, (o Hooliliamanu hoi ka liloa ma ka olelo Hawaii) A holo pu me ia o W. P. Leleiohoku a me Kapena Kui, maluna o kahi waapa, a hiki i ka moku, aole ke kapena maluna o ka moku, ua lole oia mauka, a o ka malama moku no maluna o ka moku, haawi aku la o F. W. Thompson i ka palapala i ua malama moku la, me ka olelo aku "i kii mai au i ke keiki, e haawi mai oo ia'u," olelo mai la ka malama moku, "aole e hiki ia'u ke ae aku i kekahi kanaka e hele me ka ike ole o ke Kapena." Olelo hou aku o F. W, Thompson, "e haawi mai oe i ke keiki," oleIo hou mai Ia ka malama moku, "aole e hiki ia oukou ke lawe aku i keia keiki mai ko'u lima aku; aia ma ka hakaka e hiki ai." Nolaila, hoouna mai o F. W. Thompson ia W. P. Leleiohoku me ka palapala ma kona lima, e hai aku i ke Kiaaina a me na Luna o ke aupuni i ke ano o keia pilikia. A hiki mai p W. P, Leleiohoku ma ka hale kauila, malaila no o M. Kekuanaoa, M. Kekauonohi a me G. P. Iudd. A heluheluia ua palapala la e G. P. Iudd ia ike ia na olelo maloko no ka makemake e hakaka, o ka hoomakaukau no ia; kani ka pu, kani ka pahu, e kahea ana i na koa a me na'lii koa. A hoomakaukau ia na pahu elua; a hoomakaukau ia kekahi mau koa o holo maluna o ua moku la, me na Lii koa, a holo lakou maluna o na kaulua me na pu kuniahi liilii, me na pahu pauda a me na poka, a me na pu liilii u me ke kahei, a me na pahu. A ma na waapa kekahi poe, a holo aku la, o Kauliokamoa ko lakou Luna, a kokoke lakou i ka mo-ku, ninau ae la ka malama moku i F. W. Thompson, heaha keia poe |