Ka Nonanona, Volume III, Number 24, 17 April 1844 — Page 236
236 K A NONANONA. (APERILA,
I ka la 1 o Aperila nei, a i ka hora 8 ka hahau ana; elua hae e kau ana iluna, he hae keokeo maluna a he hae eleele malalo; oia na hoailona no ka hahau ana. Ka hua keia o ka hewa, a pehea? He hua ono anei keia? he hua awaawa paha, ea. E nana pu kakou. A pehea ka poe ekalesia i mahuka mai ka pono aku, a pale loa aku i ka olelo a ke Akua? pehea lakou? Aole anei lakou e hahauia? E hahauia ana; aia i ka wa pono. K nana ma ka Luka 12: 47. "A o ke kauwa i ike i ka makemake o kona haku, aole hoi i hoomakaukau, aole hoi i luma mamuli o kona makemake, OIA KE HAHAU NUI IA. I. KAHAU. KUAI RAMA. Eono hale kuai rama ma Honolulu nei i keia wa. Ua kukala ia iho nei na palapala kuai rama e ke Kiaaina, a ma keia kuai ana loaa mai na dala $1974, i ke aupuni. O ka poe i loaa keia palapala ae i ke kuai, e hiki no ia lakou ke kuai liili i ka rama. Eia nae na kahawai no ka poe kuai rama, "E kuai liilii wale no, ma ke kiaha, a e inu i ka rama ma ka hale kuai. E paniia na puka o na hale kuai rama i na po a pau i ka hora 10; aole hoi e weheia a hiki i kakahiaka. A e paniia hoi mai ka hora 10 o ka po o ku la hoomalolo, a hiki i ka wanaao o ka la noa; aole hoi pono e kuai iki i ka rama i kela wa. Ina i loaa kekahi kanaka ona ma kekahi hale kuai rama, hewa ka mea nona ka hale, a e uku no ia. E kau ka papa inoa maluna o ka puka o kela hale keia hale kuai rama. Aole loa e kuaiia kekahi rama i na kanaka maoli. | O ka meu malama ole i keia mau mea maluna, a he hale haunaele paha kona, e uku no ia, a e laweia kana palapala i ka pau ana o ka hapaha o ka makahiki. Eia kekahi; ua kukalaia iho nei, ka palapala kuai rama hookahi ma Lahaina, e ke Kiaaina o Maui, a ua lilo ia Mi. Peka: he $1460 ke kumu i lilo no ua palapala nei. Aole nae akaka ke kuai ana o Mi. Peka i ka rama. Ia ia wale no ka palapala kuai ma Lahaina, aka, aole paha ona manao e kuai liilii i kela wai hehena; aole hoi e hiki i kekahi kanaka e aku, ke kuai rama ma Lahaina, no ka mea, ua lilo ia hana ia Mi. Peka, a ina aole kuai o Mi Peka, o ka ole no ia, aole e kuaiia ka wai hehena ma Lahaina. Pomaikai paha ko Lahaina; pomaikai io ke ole ka hale kuai rama. Pehea keia hana? pono anei ke kukuhi i na palapala kuai liilii i ka rama? Heaha ka pono? heaha hoi ka hewa? , |