Ka Nonanona, Volume IV, Number 1, 30 April 1844 — Page 8
8 KA NONANONA. (APE RILA,
ana, a ua hooikaika loa oia mamuli o ke kanawai kula, i ko'u ike ana e holo lanakila auanei ka naauao ma keia hope aku. No ka mea ua hoikeia na kulu ma keia hele ana, a ua makaukau no kekahi mau kula, a ua hemahema kekahi mau kula, a ua hoopauia kekahi mau kumu no ka hemahema kekahi, a no ka hele wale no ma kela wahi keia wahi a waiho waleia na kula, a nolaila hoopauia kekahi mau kumu, a ua hookomo hou ia kekahi mau kumu hou ma ko lakou wahi, a pela no na luna paipai, ua hoopauia na luna palaualelo, a ua hookomo houia he mau luna hou ma ko lakou wahi.
Eia kekahi, ua hoopauia ka auhau maluna o na makua mea keiki, a me na mea keiki ole, ua auhauia lakou mamua i waiwai no na kumu kula, a i keia hele ana, ua hoopauia, aole he aie o na makua i na kumu, aole na kumu e kii aku i ka mea i koe i na makua, a o ka mea i lilo i na kumu, ua liloia, a eia ka mea i koe maluna o na makua, e kokua , aloha mai no na makua i ke kumu a ka lakou mau keiki, e like me ko lakou aloha i ka lakou mau keiki; a pela lakou e kokua aku ai e like me ko lakou oluolu like ana, pela ka ke Kahukula hooikaika ana, a puni Oahu nei, a ua maikai loa na kula. Eia ka mea emi ai na kula o ka loaa ole mai o kahi uku, a keia wa ke hookaaia nei kekahi o lakou, e like me ka loaa mai, a ua oluolu na makua, a ua oluolu no hoi na kumu i ka loaa ana o kauwahi dala, a me ka ai, a me na mea e ae no hoi kekahi. Ina pela mamua aku nei, ina aole e make na kula, aka, i keia wa ua maikai loa na kula, ua hele mau mai na keiki i na kula, aole mea like mamua e like me neia ka nui loa e na keiki, ua umikumamakahi haneri a keu aku na keiki o keia kihapai, mai Maunalua a Kawaiahao nei. Oia iho la no ko'u wahi manao ia oe e ka Nonanona.
W. R. KAULEHELEHE.
KA MAKE.
I ka la 27 o Aperila nei, make ka wahine a Mi. Dola, ke kumu o ke kula hanai, ma ka Punahou. He mai hanau keiki kona; i ka poalua, hanau ke keikikane, a i ka poaono, i ka hora akahi o ke ahiahi make ka makuwahine. Aloha ino kana kane, a me na keiki elua e ola nei! Na ke Akua no nae keia hana; nana i haawi mai, a nana i lawe aku; e hoomaikaiia kona inoa. He wahine aloha ka mea i make; maikai kana hana, a ua oluolu kona make ana. Nui ka poe uwe ia ia.
Ka malama 10. OKATOBA., 1844. O kona mau la 31.
La h. m.
Mahina hapalua hope, 4 4 29 A.
Mahina hou, 11 11 23 A.
Mahina hapalua mua, 18 3 15 A.
Mahina poepoe. 26 01 05 K.
Na la o ka malama. Na la o la hebedoma. Ka hora i puka mai ai ka la. Ka hora i napoo ai ka la.
h m h m
1 Monede 6 09 5 5
14 6 12 5 48
21 6 17 5 43
28 6 20 5 40
Ka lilo ana o ka la. Ka hoohalike i ka hora.
Hema Holawe m s
5 ˚ 38 12 14
8 ˚ 17 13 59
10 ˚ 50 15 19
13 ˚ 15 16 07
Na LIMAIKAIKA e hoopuka'ku.