Ka Nonanona, Volume IV, Number 3, 23 May 1844 — KE KIAAINA HOU O [Illegible] [ARTICLE]

KE KIAAINA HOU O [Illegible]

Ke lohe maopopo nei mākou, ua hōʻoliloʻia ʻo Leleiohoku, i Kiaʻāina no Hawaiʻi; ua holo aku ia i laila , a ua hoʻomaikaʻi kāna hana nui. Ua holo aku nō hoʻi ʻo Kamehameha III, i Kailua e hoʻoponopono i ka hana a ke Kiaʻāina hou. Ma muli paha kamaʻilio iki aku ka Nonanona iā Leleiohoku no kāna hana ma Hawaiʻi i pololei, a pono maoli kāna hana ʻana a me kona noho ʻana. Nui ka makemake o ka Nonanona e noho pono a hana pono kēia Kiaʻāina hou, no ka mea, ma ka maikaʻi o kāna hana , ulu nui ka pono a me ka pōmaikaʻi, ka maluhia a me ka waiwai o ko Hawaiʻi poʻe kanaka. ʻO ia ka mea e pau ai ko lākou pilikia e noho nei o ka naʻauao a me ka hana pololei o ke Kiaʻāina hou. E pule pinepine me kākou i ke Akua nona e kōkua ʻia kāna hana e Iehova, a e alakaʻi ka ʻUhane o ke Akua iā ia. I ka lohe hope iho nei o mākou, ua nāwaliwali loa ʻo Kuakini ; ʻaʻole hiki iā ia ke hana. Aloha ʻino ia; pono iā ia ke hoʻomākaukau iā ia iho, e hālāwai me ke Akua a e hōʻike aku i kāna hana i mua ona.