Ka Nonanona, Volume IV, Number 5, 23 June 1844 — Page 26

26 KA NONANONA. [IUNE,

haipule, no ka mea, aole paha he ano haipule ona; aka, no kona maikai mawaho. Pela i keia wa e noho nei. Ua ikeia kekahi poe, ma kela aina, ma keia aina, ua maikai ko lakou waho; ua naauao loa, a akamai no hoi; ua noho malie, a ma na mea a pau, ua maikai, i ka nana aku, aka, aole iloko o lakou ke aloha o ke Akua. Okoa keia poe, okoa o Batimea. O kona waho, aole maikai. He kino poupou kona, he kanaka makapo hoi, he naaupo kekahi; aole nae e pau kona hemahema i ka hanau hou. Ua like Batimea me ke gula. I kona noho ana iloko o ka lepo, he ino, aka, i ka wa e pau ka lepo i ke ahi, alaila, ua pono no ia. Pela o Batimea. Ma ka hanau hou, ua pono, a malaila wale no.
                Eia ka mea mua e maopopo ai ke ano maikai o Batimea. He kanaka molowa ole.
                I ko'u noho ana i Lahaina, M. H. 1828, ua ike koke au, he kanaka hana o Batimea. Ua ike pinepine au ia ia e halihali ana i ka uwala maoli ia Mr. Rikeke, i kana kumu. Ninau aku au ia ia, "mahea i loaa ia Batimea na uwala ana i lawe pinepine mai, a i haawi ia oe? Nawai i kokua ia ia i kona noho makapo ana? I mai Mr. Rikeke, "aole mea i kokua, na kona lima ponoi i kanu a i waele, a i ohi no hoi." I mai la Mr. Rikeke ia'u, "Ua oi aku ko Batimea haawina i kana kumu, mamua o kekahi poe waiwai iloko o ka ekalesia, a oluolu loa oia i keia hana." A pela no kana hana ma Hilo; a ma Wailuku, a ma Honuaula. Aole ona makemake e noho wale ma Wailuku, ua mahi pinepine ia i ka aina, a loaa ke kalo, ka uwala, ka maia, a me na mea e ae. A i kekahi makahiki, ua kanu oia he wahi mala ko; a hana ia ke ko, ua loaa ia ia kekahi apa lole a me kekahi mau kala maoli. Aka, aole lilo ia i kanaka puni waiwai. Aole loa. I mai o Wiliama Mu o Waikapu, ka mea nana i hana i ke ko no Batimea, penei. "I ko'u mahele ana i na kala maoli no'u kekahi, a no Batimea kekahi, aole ona makemake i kona mahele a pau loa. I mai la ia ia'u, E Wiliama, nou kekahi kala hou aku, no ka mea, ua oi kau hana i ka'u." Pela kana, Ua akaka lea ia, ua hana o Batimea no kona makemake e hoonani i ka Haku. Nui kona makemake e hana e like me ka Paulo ma Roma, 12: 11. "I ka hana mau ana, mai hoopalaleha, i ikaika hoi oukou ma ka naau, e malama ana i ka Haku."

NO HILO A ME KO LAILA MAU KULA NUI. HELU 7.

                Aole pau ko'u hele ana. Mai pauaho e oukou; ka poe e heluhelu ana mamua o ka pau ana o ko'u kaahele ana. Ma ka la 28 o Maraki, hoomaka au i ko'u hele ana aku i Hilo. Ma ka lua o ka la, puka aku la au i Laupahoehoe. Eha loa wau ma kekahi wawae. Ninau au i ka wapaa o ka haole, I mai la lakou, "ua hala i Hilo." Auwe! pehea la ka pono? oopa wau, pehea la e hiki ai? Nana aku la au i na pali e kau weliweli mai ana, kanalua iki au i ka pii ana. Hoomaka iki au, alaila, i aku la au i ko'u mau hoahele e, auhea oukou? ko'u manao, e pii kakou i ka pali. Ae mai lakou, o ko makou pii no ia. Pii no, a iho, pii hou no, a iho hou no hoi, a pela no i hele ai iluna, a ilalo, a po ka la. Mahuahua loa ko'u eha. Ma ka po akolu, ala no au, a hele aku e like me ka lua o ka la, me ka hoomanawa-