Ka Nonanona, Volume IV, Number 5, 23 June 1844 — Page 28
28 KA NONANONA. (IUNE.
i ke ano. Mamuli paha mahuahua na haumana ma keia keia maikai.
11 Na kiko; ua pau na kiko o na haumana i ka hoikeia mai—na kiko no ka walaau, no ka imi ole, no ka loaa ole, no ka malama ole i na keena, a ia mea aku ia mea aku. Ehiku wale no ka poe aole i kikoia. Pomaikai paha ka poe i kiko ole ia. Ua pono paha ko lakou noho ana. Aole nae i nui ke kiko o kekahi poe.
Nani no keia hoike; nui ka poe i hele aku e nana, a e hoolohe i ka hana; 7 misionari, a he kapena moku, o ke kahukula, a he mau kumu maoli, a me na kanaka maoli he nui. I ka pau ana o ka hoike, hui mai ke kula kaikamahike a Koana wahine, ma ka hoolea ana i ke Akua. Nui a nani ko lakou leo.
Ua hele no au e nana i ke kula a Koana wahine i kekahi hapalua o ka la. He 23 kaikamahine ma keia kula. He kula maikai. Ua malama ponoia ke kino, ua akamai ma ka himeni, ua aoia ma ka Helu naau, helu kakau, palapalaaina, kakaulima, a ma kela hana keia hana e pono ai ke kino. He mau hoahanau no ka nui o lakou. E hoopomaikaiia auanei ko Hawaii nei poe kanaka ma keia mau kula, ke hoomauia.
KA NONANONA.
Honolulu, Iune 25, 1844.
KA MAKE ANA O NA LII AME RIKA.
Ua lohe iho nei makou i ka make ana o na lii Amerika, elima. He make emo ole, a me ka weliweli loa ko lakou. Eia ko lakou mau inoa, o Upshur, kakauolelo no ke aupuni, o Gilmore, ka luna nui o na moku kaua, o Kennon, he Komokoa ia, o Gardner he alii koa, a me Maxey. Pau lakou i ka make i ka minute hookahi, a he mau kanaka e ae kekahi eono i make pu, penei ko lakou make ana; noho lakou ma Wasetona, kahi alii, a i kekahi la kaawale, ee aku la lakou maluna o ka manuwa holoahi, o Princeton kona inoa, he manuwa hou, nui hanohano, a me ka maikai. He mau pu nunui loa kona. Holo lealea lakou maluna o ka muliwai he mau mile malalo, he nui na kanaka a me na wahine holo pu me ka ahaaina, a me ke ki pu. Hoomakaukau ke alii moku i kekahi pu nunui, he 25 pauna pauda iloko; e ku nui ana na lii me na wahine a me na kanaka, he mau haneri ma kahi kokoke i ua pu nui nei. Kuniia iho la ka pauda i ke ahi, wawahi liilii ia ka pu, a pau na lii elima i ka make pepe loa na kino o kekahi, aole oni, aole olelo mai; he make koke iho no. Nui no hoi ka poe eha, aole nae make loa. O ka ke Akua hana kupaianaha keia, o ka lawe koke aku i na lii nui o kela aina. Heaha la ko ke kanaka ola? He mahu wale no. Mai make ke alii nui o Tyler, aka, ua hoi ia i ke keena mahope, a ua pakele.
KANAKA MANAWALEA.
Aia ma Amerikahuipuia kekahi hoahanau kaulana no kona manawalea nui. O J. Lenox kona inoa. Penei kona manawalea ana, i ka makahiki hookahi, haawi wale aku oia i $5,000 e kokua i na oihana misionari ma na aina naaupo; a haawi hoi oia i ka makahiki hookahi $2,000, e kokua i na misionari e hooikaika ana ma na wahi naaupo o Amerika, a $1,000 hoi e kokua i na kula kahuna pule; hana no ia i hale kula hou a me ka hanohano loa, no ke kula kahuna pule ma Nuicrese, he $30,000 ona i lilo no keia hale maikai. Kokua no hoi keia hoahanau i kekahi mau luakini pilikia i ka aie, mai pau i ke kuai kukalaia, a i ka wa pilikia o na kumu o kela kula nui i ka uku ole ia, na keia hoahanau e kokua ia lakou. Pau loa keia kokua iloko o ka makahiki hookahi! Eia nae ka mea kamahao, huna loa keia hoahanau i kona inoa; ua ikea kana hana maikai ana, aole nae ikea ka inoa o ka mea