Ka Nonanona, Volume IV, Number 7, 23 July 1844 — Page 44
44 KA NONANONA. (IULAI,
pono, o lilo makou i poe kokua i ka poe moe kolohe, a ina aole e pono ke mare, ina aole e pono i na luna paha, i ke Kiaaina paha, ke haawi i pepa hookaawale ia lakou, i mare hou ia lakou. Pela io mai no ke kanawai o keia poe aina, aka, eia no ka hewa o ua kanawai nei; aole nae e paa ia i ka hana, ke hana mai nei na luna e like me ko lakou manao ponoi wale no, aole e like me ke kanawai; a nolaila ka pilikia ia makou, a nolaila paha ka hakaka, he nui wale i na kane me ka lakou mau wahine, me ka huhu aku, huhu mai, me ka lili wale aku a lili wale mai, ke kui aku, ke kui mai, a pela hoi na mea a pau e pau ai ka noho oluolu ana o ko Hawaii nei. No ka mea, aole o lakou e hoomanawanui i na mea e oluolu ai lakou iho, ke loaa uanei kekahi pepa hookaawale ia lakou. Pela ko'u.
E hai mai oe i kou manao, no keia mau hana, ea.
Aloha oe, BONA.
KANIKAU NO KEPOOOKAMOKU A ME AUAIAWAO.
Aloha oe e Kepoookamoku,
Ka pua rose maikai o Auaiawao.
Ke kihapai i hoopeia i ka mokihana a me ke kupaoa,
I hoaahu ia i ka eleuli a me ka ouholowai Olaa,
Ua kahiko ia e oe ke pala o Kauai,
A me kaihuanu o Waimea,
Ua honiia kou ala i ka lauae o Makana i ka pali,
A me ka hala o Upeloa,
Ua lei hoi oe i ka lehua o Makaulele,
A me ka ahihi o Nuuanu,
Ua haliiia e oe ka maile lauliilii o Koiahi,
A me ka limu ka kanaka o Mahamoku,
O na laau a pau mai Akau a i Hema a mai Hikina a i Kamohana o keia paeaina,
Ua kanu ia i kou lepo e Auwaiawao,
Ua kupu maikai mai kekahi o lakou,
O Kepoookamoku kekahi i ulu maluna o kou Piko,
Maikai kou kino ke nana aku,
Ohaha maikai kona pua ke mohala ae,
Nupanupa uliuli kona lau,
A o kona hua hoi, momona huihui,
I ka wa i oaka ae ai kona pua he ohaha,
Aohe i haule iho kona papale mahiole,
Aole ponalo a me Kahuaelo i kau maluna ona,
O ka mura a me ka meri,
O ka bama a me ha ribano na hua e kau ana.
O ka wai huihui o uka lilo e kahe ana,
O ka hanohano o ka naauao,
E kahiko ia na e na manu liilii a Davida,
Ka poe i hana i ka punana iloko o ka luakini a Solomona,
Ke alii naauao o ka Iseraera,
Ka mea nana i hana maalea iwaena o na wahine elua,
Ke u nei hoi kou mau hoalawehana,
A me ou mau hoaluhi ona kula Inea la o Puopelu, S. W. KAMAKEA.
HE MAU INOA POINA.
Eia na inoa o na kumuao nana i palapala mai kela olelo paio no ka hana kekee a ke Kahukula ma Kauai; no ka palaka ka pai ole ia.
O Wana, o Aka, o Maluaikoo, o Naw aalaau o Aka ke kakauolelo no lakou.
MOKU HOU.
Ua paa iho nei ka moku hou i hanaia ma Waimea, Kauai. O EMELIA ka inoa o ua moku hou nei; eia no ma Honolulu i keia manawa; eia kona nui, 110 tona, oia hoi e hiki no ke hooili aku maluna ona i 110 tona. Ua oleloia, he moku mama loa keia i ka holo, a ua maikai kono ano ke nana'ku. He hana maikai keia a ke alii o Kauai.