Ka Nonanona, Volume IV, Number 10, 3 September 1844 — Page 55

1844.) KA NONANONA. 55

ke: malaila, maopopo ia ia ko ke alii gula i aihueia'i."
                E hai mai oe, ehia auneke gula i lawe koloheia?
                Penei e wehewehe ai.
                E hoailona i na mea ike ole ia penei.
                p = na auneke gula iloko o ia papale.
                w = na auneke dala iloko o ia papale.
                A Alaila, p + w = 63 = ko ka papale kaumaha.
                E p/10.36 + 2/5.85 = 8.2245 = na iniha paailiono o ua papale nei.
                E hoonui i ka like ana o E me ka I 10.36 a loaa mai p + 1.771w = 85.20582. E hoolawe ia A noloko mai o I. a koe iho la .771w = 22.20582. E puunaue i keia i ka .771 a loaa mai w = 322.22582/771 = 28.8: nolaila, ma ka like ana o A loaa mai p = 63 — 28.8 = 34.2. Nolaila, ua aihueia na auneke o ko ke alii gula he 28.8; oia ka mea i imiia e like me ka ka ninau i kauoha mai ai.
                Penei e hooiaio ai. 28.8 ÷ 5.85 = 4.92 na iniha paailiono dala i hookomo koloheia iloko o ka papale, a o ke 34.2 ÷ 10.36 = 3.3 na iniha paailiono gula i koe. E houluulu keia mau iniha paailiono 4.92 + 3.3 = 8.22 na iniha paailiono o ua papale nei, e like me ka ka ninau i hoike mai nei.
Na'u na IOANE RICHARDSON.

HE MAU WAHI MANAO NO KE KIAAINA HOU O HAWAII. HELU I.

                E LELEIOHOKU E: Aloha oe; No kuu lohe ana, ua loaa ia oe ka oihana Kiaaina, no kela mokupuni nui o Hawaii, nolaila, kupu mai ka manao iloko o'u, e hooili aku i kekahi waiwai nau, ma ka Nonanona, a nana no e halihali aku a haawi ia oe. Ninau mai paha oe, "owai keia kanaka palapala mai ia'u?" Pono no ia ninau, a e hiki no ia'u ke hai aku ia oe, he hoaaloha au nou, a makemake nui hoi au, e pono kou alii ana, a e pomaikai kou noho ana ma keia ao, a e ola mau loa oe ma kela ao.

                O ke aloha ia oe a me na kanaka o Hawaii, oia ke kumu o kuu palapala ana. No ka mea, he alii opiopio oe; akahi no a loaa ia oe kekahi oihana nui, a me ka hanohano, a nolaila, makemake nui au e kokua mamuli ou; a e kuhikuhi pololei aku imua ou, i na mea e pomaikai ai nou, a me na kanaka malalo ou. He elemakule iki wau e noho nei, a loihi no kuu noonoo ana a me kuu imi ana i na mea e pono ai keia lahuikanaka o Hawaii nei; ua loaa iki mai paha ia'u na mea e pono ai, ke malamaia, aole nae pau kuu naaupo.

                Nolaila, e Leleiohoku e kuu hoaaloha, eia kuu manao mua ia oe, E NOHO PONO MAOLI OE IMUA O NA KANAKA MALALO OU. No ka mea, aia no oe ma kahi kiekie, a ua pau na kanaka o Hawaii i ka nana ia oe, i kou pono a me kou hewa: ke noho nei oe maluna o lakou me he makua la, a ina i pono maoli kou noho ana a me kau hana ana, o kou nani no ia; mahalo ka poe pono ia oe, a kokua mahope ou me ka naau hoihoi, a me ka hauoli; a huli nui paha na kanaka hewa o Hawaii ma ka aoao pono, no ka ike ana i kou pono. Alaila lilo oe i kumu haohalike maikai no na kanaka, e pomaikai ai.

                Aka, ea, ina ike na kanaka i kou hewa, he hana kekee paha ma ke kuai, he lawe wale paha, he hoopunipuni paha, inu awa paha, hooluhi wale paha, kapae i ke kanawai paha, o ka nui mai no ia o ka ino; hoomahui koke kou poe luna a me ka poa hewa, a kapa iho i ka hewa he pono, a i ka pono hoi he hewa. A o ka poe pono a me ka naauao, kaumaha loa lakou, ke ike lakou i kou hewa a uwe lakou no ka hewa o ke Kiaaina. Olelo lakou, "ua hina ke kia o ka aina, auhea ka mea e pono ai." Pehea na keiki ke hana hewa ko lakou makua? Aole anei poino? Poino paha, aole poino a koe aku. Pela no na kanaka ma