Ka Nonanona, Volume IV, Number 22, 18 February 1845 — Page 105

105 KA NONANONA. (FEBERUARI,

                I ka malama o Ianuari, oia ka wa hele nui o na kahu e nana a e hooponopono i ua kula nei. Nolaila kuu holo ana ilaila.
                KA HOIKE. I ka la 14, a me 15 o Ian. hoike ua kula nui nei. Eia ilalo iho na mea i hoikeia ia mau la.

TUSEDE.

Hora 9,   Kak. Himeni me ka pule.
                Ka hapa o ka papa 1, Hoail. Helu.
" 10,        " Himeni.
                Ka papa mua olelo Beritania.
" 2,          Ahi. Himeni.
                Papa 2, Hoailona. Helu.
" 3,          " Himeni.
                Ka papa 1, Helu Kakau.
                Heluhelu manao, Hai olelo.

WENEDE,

Hora 9,   Kak. Himeni me ka pule.
                Papa 1, Mole-anahonua.
" 10,        " Himeni.
                Ka papa alua (olelo Beritania.)
" 2,          Ahi. Himeni.
                Papa 1, Hoailona. Helu.
" 3,          Himeni.
                Ka hapa o ka papa 2, Hoial. Helu.
                Heluhelu manao,—Hai olelo.

                He 80 na haumana a pau loa. E imi ana kekahi poe i ka olelo Beritania: ma ka papa 1, he 11; a ma ka papa 2, e 7. Ua loaa iki no i keia poe kela olelo paakiki, a ke hele nei i ka makaukau malaila. Aole pau wawe ka hemahema: he hana nui loa ia a pomaikai maoli ka poe hoomanawanui a loaa: aka o ka poe imi nawaliwali, aole loa e loaa ia lakou.
                I ko'u nana ana i keia hoike, ua maikai no; ua maopopo ka ike o na haumana. Wehe koke lakou i na mea paakiki iloko o ka Hoailona Helu, ka More ana honua, a me na mea e ae. Aole nae pau i ka makaukau; hemahema no kekahi poe.
                Hele no ke alii, o Kamehameha III. laua o Keoni Ana, ke Kiaaina o Maui, a me kekahi poe koikoi i ka hoike: mahalo laua i ka ike o na haumana. Paipai ka Moi ia lakou e imi ikaika i ka naauao, no ka mea, wahi ana, oia wale no ka mea e pono ai ke aupuni; ua hala ka manawa naaupo; a ua komo kakou iwaena o na aupuni naauao. Hoohewa loa ke alii i na haumana kolohe iloko o ke kula, no ko lakou hoopoho wale ana i ka waiwai, hooluhi wale i na kumu, a me ka hana ino ia lakou iho. Pela ke alii.

                KA POE KOLOHE A UA KIPAKUIA. Eia ko lakou mau inoa a me na hewa a lakou i hana'i.
                O POKI. Ua kipakuia Iulai 29, '44, no ka moe kolohe a me ka haalele pinepine i ka pa o ka hale kula me ka ae ole ia.
                O PIKA. Ua kipakuia mahope iho o kela, no ka hoowalewale i ka wahine e moe kolohe, no ka hele malu i Lahainalalo a no ka imi ole i ka palapala.
                O PIKAO. Ua kipakuia Aug. 12, no ka hoowalewale i ka wahine e moe kolohe, a no kona alakai hewa ana ia hai.
                O KEAU. No ka hoowalewale i na wahine e moe kolohe.
                O KAHALELAAU. No kona ano moe kolohe, a me ka hele malu i Lahainalalo, a no kona imi ole i ka palapala.
                O KAONANUI. Ua kipakuia Aug. 12, no ka hele wale i Lahainalalo me ka ae ole ia, a no ka hoowahawaha i na kanawai o ke kula.
                O NAIWIEHA. No ka hele i Lahainalalo me ka ae ole ia e na kumu, a noho a ao ka po: no kona haalele i kela mokupuni me ka ae ole ia, a no kona malama ole i na kanawai o ke kula.
                O KAWAA. Ua kipakuia oia no ka haalele i kela mokupuni me ka ae ole ia; no kona palaka i na mea i aoia iloko o ke kula a me ka moe kolohe.
                O MAHULU. Ua kipakuia no ka malama ole i na kanawai o ke kula, hele wale i Lahainalalo, haalele i kela mokupuni me ka ae ole ia, hele i ka papipi me ka ae ole ia.
                O WAIWAIOLE. Ua kipakuia no ka mai moe kolohe.
                O LONO. Ua kipakuia Nov. 20, no ka hoowalewale i ka wahine e moe kolohe.
                O HALEMANU LAUA O HULIA. Ua kipakuia Ian. 15 '45, no ka aihue ana i ka waiwai o ke kula; huna loa laua i ko laua hewa i kinohi, a mahope ae ae.
                O PUAA. Ua kipakuia no ka aihue wahie.
                He 14 keia poe kolohe i hookukeia iwaho o ke Kulanui mai Ian. 12, 1844 a hiki i