Ka Naʻi Aupuni, Volume I, Number 1, 27 November 1905 — KA NA I AUPUNI. [ARTICLE]

KA NA'I AUPUNI.

O ka inoa keia a makou i lawe mai ai a kahea iho i mapuana hiwahiwa no keia wahaolelo hou o ka lahui. He inoa ihiihi keia, a he inoa hoi i piha me na maawe manao ano nui pili i ko ke kanaka Hawaii noho ana aupuni. O ka Moi Kamehameha I, ka mea nona keia inoa. Ua pili pono hoi keia inoa i ka hana i lawelawe a e ia a hui lokahi ai ka lahui mai Hawaii a Kauai iloko o ke apo o ka nohona lahui Hawaii Ua na'i ua lani alii nel i pono no keia lahui kanaka, i hoopauia ai na nohona maokioki a ku kaawaIe ana o kela puulu a me keia puulu o na kanaka Hawaii, malalo o ko lakou mau moi aimoku iho. Mamuli o keia mau hana kamahao a Kamehameha,-ua hooliloia o Hawaii lahui i hookahi ma ka nohana aupuni a nohona lahui hoi Ua hala o Kamehameha, aka, o na manao a ka lahuikanaka i hoolokahiia ai e kona puuwai koa a wiwo ole hoi, eia no ia ke ola nei a ke puka nei no i keia wa, aole i pau. Ua pau ka Kamehameha mau hakoko ana me kana mau ihe laumeki—ua pau kana oniu ana i kana pololu—ua hoomaha i ka moe kau a hooilo kana mau hooikaika ana: a o ka hana i keia wa. ua ili iho la maluna o ka lachbui Hawaii o keia mau la e nee nei. Na ka lachbui o keia wa e naʻi i aupuni no lakou—na ka lahui o nei manawa e hakoko i noon no lakou—a na lakos no hoi e paio aku aole na na the laumeki, aole hoi me na poll a na koa a KA NA'I AUPUNI i hala aku, aka, me na manao kupaa o ka hele ana me na balota ma na kau koho balota e hoea mai ana, no ke kukulu ana i aupuni a i home noho no lakou.