Ka Naʻi Aupuni, Volume I, Number 1, 27 November 1905 — LOAA KA MANA HOO KOLOKOLO. I KA LURAKANAWAI APANA O HONOLULU E MOOLOHE I NA HOOPH KUE RULA A NA LUNAKIAI. [ARTICLE]

LOAA KA MANA HOO KOLOKOLO.

I KA LUNAKANAWAI APANA O HONOLULU E MOOLOHE I NA HOOPII KUE RULA A NA LUNAKIAI.

Ma ka auwina la Polaina nei i hoopuka mai ai ka Aha Kiekie ma o Lunakanawai Frear la i ka olelo hooholo e apono ana i ka mana o ka Aha Apana o Honolulu, Kalana o Oahu nei, e hoolohe i na hoopii malalo o na Rula Hooponopono no i kauia o ka Papa Lunakiai o ke Kalana o Oahu nei i hala ae nei, ua hoea ae imua o ka Aha Apana o Honolulu nei he hihia i hoopiiia e ke Aupuni Teritori malalo o kekahi Rula Hooponopono i kauia e ka Papa Lunakiai e kue ana i na keena i kau olokeaia me na kaola laau nunui a i hanaia hoi me na pani puka manoanoa. Ua hoole ka Lunakanawai Apana ka loaa ana o ka mana iaia e hoole i na hiha oia ano, a ua laweia ae keia hihia imua o ka Aha Kiekie. O ka hopena i ikeia, oia ko ka Aha Kiekie hooholo ana, ua loaa no-i ka Aha Apana Honolulu nei ka mana e hookolokolo i na ofeni i ulu ae malalo o na Rula Hooponopono i kauia e ka Papa Luna Kiai.