Ka Naʻi Aupuni, Volume I, Number 32, 3 January 1906 — Mamalahoa Kanawai!! KA MOOLELO O KAMEKAMEKA I Ka Na=i Aupuni O Hawaii. KA LIONA O KA MOANA PAKIPIKA [ARTICLE]

Mamalahoa Kanawai!!

KA MOOLELO O KAMEKAMEHA I

Ka Na=i Aupuni o Hawaii.

KA LIONA O KA MOANA PAKIPIKA

Hoomauia. KO Kamehameha lalau aku la no ia i ka lima akau o Imakaloa, ia o kona lima hema i ka wawae akau o ua hiena 'la, a manana ana ke kino iluna o na lima o Kamehameha. A ia wa i ku ai ke kahuna kuni i ka pule oia o Halakea, a penei ua pule la: Kulia e Uli, ka pule ka lama ola, Kulia imua, kulia i Kealohilani —e! kulia, E ui aku ana i Kupua o luna nei—e, Owai ke kupua? Owao ka eu o luna mai—e, O Iouliokalani, o Ioehu, o Iomea, O Kukeaoloa, o Kukeaopoko O Kukeaoawihiwihiulaokalani O kanaka loloa o ka [illegible] O Kupulupulu i ka nahele O na akua mai ka waokele O Kulipeenuiaiahua O Kikealana o Kauahinoelehua O ke kahuna i ka puoko o ke ahi O Iimi, o Loaa, Ua loaa ae nei Ka mohai alana e molia aku ai Ia oukou e ka poe manuu (manu) a Kane la Kanehoalani—huli mai ko ka lani Ia Kaneluhouua—huli mai ko ka honua Ia Kanehuliko'a —huli mai ko ke ko'a Ia Kaneikawaieola—huli mai ka wai ame ke kai Ia Lonomakua—huli mai na aumakua Mai kukulu o Kahiki a ka pea'a kapu o Hiilei E molia ke kapu o keia mau alana I na poe niho o na [illegible]

O kukuhi ka pahu kapu a ka leo Hokiki kanawai—, He kua-a, he kai okia He ala no Kane ame Kanaloa He [illegible] kanawai No [illegible] la -- e Ua noa - Noa honua —, No—a, U—a no—a.'' Alaila, hahau hou ke kahuna i ka pule, penei: Eia ka puaa, Na Kulauka, na Kulakai Na Kanikanihia, E kani aa aku ana, Ia Ulili-Kinau, Ua lilo ia Nalaumahikihiki Nalaumakilikili, Namakalakala Na ka wahine o Hilihililau, ka maile, Hilihili wale mai no— Kau a hoolono—e E Lono i-ka-ueke, E Kaneikapohakaa E Kukailimoku i ke kala—e. &e. &e. &e. &e. Ua hoomau ke kahuna i ke ku ana i keia pule, oiai hoi na alii opio [illegible] paa ana i ka laua mau mohai. No ka loihi loa o keia pule, ua hele a kulu ka po, ua pauhia iho la o Kamehameha i ka hiamoe, a o kona wa no ia i haule iho ai hiamoe me ka paa no o kona mau lima i kana mohai ku i ka hooweliweli ame ka hoomaka'uka'u. A aia nohoi o Keaweheulu ke kiai la

iaia. O ka hele ia a puka la la i ke kakahiaka, ia wa i hea aku ai o Keaweheulu ma ke mele: "E ala, e ala, E ala, e Hoalaalahia Ua ao—ua mahiki ka la." Ia wa i ala ae ai o Kamehameha, ua hele a lalilali ka ili i ka hinu o ke kanaka. E hoomanawanui iho e na makamaka a oili hou aku. (Aole i pau.)

I ka lu apopo ka makou moolelo o ka Ahaolelo Kalana, Ua makaukau o I. Kahaunaele o Auwaiolimu, e hoolawa aku i ka makemake o na poe hookahi pila me kona mau keiki pua kaai.