Ka Naʻi Aupuni, Volume I, Number 65, 10 February 1906 — KA Moolelo Hawaii Kahiko. [ARTICLE]

KA Moolelo Hawaii Kahiko.

(ANCIENT HISTORY OF HAWAII.) Hoomakaukauia e J. M. Poepoe no KA NA'I AUPUNI. MOKUNA I. Na Kuauhau Kahiko e Hoike ana i na Kumu i Loaa ai ka Pae Moku o Hawaii nei. PAUKU 4. 1. O hanau ka Moku a kupu i lau 2. A loa, a ao, a mu'o, a liko 3. Ka moku ia luna o Hawaii 4. O Hawaii no ka moku 5. He pulewa ka aina, he naka Hawaii 6. E lewa wale ana no i ka lani lewa 7. Honoa mai, e Wakea pahono ia 8. Malia ke aa oka Moku me ka honua 9. Paa ia lewa, e Lani 10. I ka lima akau o Wakea 11. Paa Hawaii la 12. A laa Hawaii la 13. Ikea he Moku 14. O ka Moku la hoi auanei ko lalo nei 15. Owai la hoi auanei ko luna 'la? 16. Owai la? O ke A—o! 17. Ai—a! Aia hoi ha!! PAUKU 5. 1. O hanau ke Ao, o hiki ae 2. O ohi ae ke Ao, o hiki ae 3. O moku pawa ke Ao, o hiki ae 4. O oaka ula ke Ao, o hiki ae 5. O moakaka-ku ke Ao, o Molae 6. O pukupuku ke Ao, o melemele 7. O melemele ka opua, he lai 8. O poni uli ka opua hiwahiwa 9. O hiwahiwa ka opua lani ele 10. Eleele ka lani hakulu-weo 11. Lani ekaeka, ha-eleele 12. Hakuma, hakuma, hakumakuma 13. O ke ao nui Waihee ua kea ia 14. E hoowiliwili mai ana e hanau 15. Oia ho—i, o ke Ao 16. Hanau ke Ao 17. O ke Ao la auanei hoi ko luna la 18. Owai la hoi auanei ko lalo nei? 19. O ka Mauna, 20. Ai—a! Aia hoi ha!! PAUKU 6. 1. O hanau ka Mauna a Wakea 2. O puu a'e ka mauna a Wakea 3. O Wakea, ke kane, o Papa, o Walinuu ka wahine 4. Hanau Hoohoku, he wahine (E HOOMAUIA AKU ANA.)