Ka Naʻi Aupuni, Volume I, Number 66, 12 February 1906 — MRS. HIAPO UA HALA, LUULUU WALE. [ARTICLE]

MRS. HIAPO UA HALA, LUULUU WALE.

Ua loaa iho la i ka ma'i kauhola o Mrs. Hiapo, i ka manawa i lele iho ai mai luna iho o ke Kaa Uwila, ua hehee iho oia a waiho ana i ke alanui, ma ka huina o alanui Liliha a me alanui Kuakini, oia ame kaua kane ka hoi pu ana mai. Ua lele ka wahine (mea i poino iho ia) ma ma ka aoao ma Ewa o ke kaa uwila, a lele hoi ke kane ma ka aoao Waikiki o ke kaa. I ka hala ana o ke kaa i uka, ua huli mai la ke kane a nana ike aku la e waiho mai ana ka wahine iluna o ka lepo, holo aku la ke kane a opa me ka manao e loaa ae he @aha, aka, ua poho ia manao. Ua hiki aku he mau lima kokua a hoihoi ia no ko laua home noho ma Kali'u, ma ka hora 7 p. m. haalele mai ai ka hanu i kona kino, a hele palanehe aku la i ka poli kua a Kane— "Me he kapuni kanaka la Ka ua o Nuuanu

Ke hele ae mauna e hele e Hele la." O Kanika ka inoa o ke kane, a ua piha he 40 makahiki kona hanu ana i na ea huihui o keia ao, ua haalele iho oia, mahope nei he kaikaikamahina a he keikikane, he kaikaina a me ka ohana e u aku nona. O ke Kau Lei kana hana maa mau, he kamaaina oia no Honolulu nei, a he wahine heahea a oluolu oia a hiki i kona hala wale ana aku la.