Ka Naʻi Aupuni, Volume I, Number 121, 17 April 1906 — Hoike Koho Balota Mai Wasinetona Mai! HE MOOLELO NO KAMEHAMEHA I. Ka Na=i Aupuni o Hawaii. KA LIONA, A I OLE, O KE PUKONAKONA O KA MOANA PAKIPIKA. [ARTICLE]

Hoike Koho Balota Mai Wasinetona Mai!

HE MOOLELO NO KAMEHAMEHA I.

Ka Na=i Aupuni o Hawaii.

KA LIONA, A I OLE, O KE PUKONAKONA O KA MOANA PAKIPIKA.

O Ahuula, ka makuakane, ke keiki a Keawe, ka Moi o Hawaii, a o Kaupekamoku, ka makuahine. Ma Kau ko Kaiana holo ana, a ua noho iho kona mau hoahanau ma Kauai. oia hoi o Namakeha ame Nahiolea. I ke ku ana mai o Kaiana ma Hawaii, halawai pu iho la laua me Kamehameha. a hoopunahele aku la o Kamehameha ia Kaiana (elike no me ko Kamehameha ano mau, he pulama i na, kanaka iwi koko-apau ) Haawi aku la ia Kamehameha ika pu-kaupoohiwi ame na pukuniahi he nui wale. Auʻa iho la hoi o Kamehameha ia Kaiana e noho i Hawaii, me ka i ana aku: “Eia ka aina; eia na 'lii, eia na makaainana; e noho kakou i Hawaii nei. Mai hoi oe i Kauai ame Oahu.” A ike iho la o Kaiana, he mau olelo maikai ka Kamehame ha; a he mau hoahanau nohoi kekahi e noho ana ma Hawaiii, oia hoi o Kalanikuaiwa ma, o Kaiana Ukupe, ka makuakane o Kaiki ewa ame ka hanauna alii o Hawaii. Manao iho la nohoi o Kaiana, ua pono ka noho ana i Hawaii, i ka aina kauoha mai na kupuna mai. Aka olelo aku la nae oia ia Kamehameha i e kii oia i kona mau hoahanau ia Nnmakeha ame Nahiolea. Ua ae mai la no hoi o Kamehameha. E hoomaopop ia o keia Kapena Kane i hoikeia ae la, oia no o Kapena Douglass o ka moku “lphigenia" i hoihoi mai a ia Kaiana mai Kina mai. A na keia Kapena no maluna o kona moku i kii i ka wahine a Kaiana ame na hoahanau ona i Kauai elike me ka makemake o Kaiana. O ka mea maopopo: ma ka pewa hiʻu o ka makahiki 1788, a i ole, ma ka malama o lanuari 1789, aneane hookahi makahiki mamua ae o ka holo ana o Kamehameha, KA NAI AUPUNI ke kaua me Kalanikupule i Maui, aia o Kamehameha ia wa ma Kealakekua. Kona Hema. Nolaila. mai keia wa aku a hoea i ka nee o Kamehameha i Maui no ke kaua, o ka mahele moolelo ano nui loa i ikeia ma ia kowa o ka manawa, ma kepili pololei ia mahele i ka moolelo o Kamehameha, oia ke ku ana mai o na moku o hulu, “Eleanora,” Kapena Metcalf (Meka) ame ka moku-kuna “Fair America”i noho Kapena ia e ke keiki ponoi no a Kapena Metcalf.nona hoi ka nui o na makahiki ia wa, he umikumamawalu wale no. (E HOOMAUAIA AKU ANA.)