Ka Naʻi Aupuni, Volume II, Number 47, 27 July 1906 — He Moolelo NO Hiiakaikapoli-o-Pele. [ARTICLE]

He Moolelo NO Hiiakaikapoli-o-Pele.

I kela wa, haawi ae la o Hiiaka ia Wahineomao i kekahi wahi mana. i hiki ai iaia ke ike i na kino papalua o ko ka po mau kini, me ka hoomaopopo ole na'e o Wahineomao ia mea: Aole hoi i liuliu ko lakou nei wahi o ka hele ana aku mai ia wahi aku, hukihuki ae la o Hiiaka i kona pa-u a poipoi mai ia i na nu'a a pau a pu ae la ma kona lima akau. Waiho wale ae la na oloolo wawae o ua Ui- nei o ka lua; ao ka hope oni hoi keia o ka Mauna Loa, oia no oe o ka "ihu laau maikai" ka nunui upepehu a kilipohe maikai hoi. Ke ike la o Wahineomao i ka ui o ke aikane, a olelo wale iho la no oia iloko iho ona.

O ka ui keia, aohe kauwila o ka wao laau e ole ke kolo hou o kona mau a a. Kahaha Ina paha au he kane, oia nei no la kau wahine. He ui auanei keia a lohe - mai i ke a'o. O na luau palupala no hoi la, waliwali ka ai ana aku. Aohe no he maka kane a ole ke koiikoi mai i nei ui. Ke ike wale mai la no o Hiiaka i keia hoomauiui manao a ke aikane iloko iho ona, a kani iho la kana aka, me kona huli ana ae a ninau i ke aikane. "Heaha ia au e haihaili wale nei?" Auwe! Ua ike mai la no ka paha oe i ka'u mea i hoona'ana'a wale ae nei no iloko o ko'u noonoo nou. Heaha mai hoi kau; e kuko aku ana * no hoi au i kou ui. A oia ka'u i hoolaau wale ae s nei no ina he kane au, o kau lehua no la ka pua o ka'u manai e kui ai; aohe hoi e hihi, o kaua ma-hu no keia a elua, kohu maikai ole ke kaunu ; ana i Waiolohia. He aka wale no hoi ka Hiiaka no nei mau olelo a ke aikane, a pane mai la oia: "E ao o kaia fee kuko a me ka li'a i ka oiwi." Aole i pau.