Ka Naʻi Aupuni, Volume II, Number 60, 11 August 1906 — Ke Kuahaua Laula a ka Peresidena Charles Kahiliaulani Notley NO NA WA E NOHO AI NA AHA ELELE APANA A KALANA O KA AOAO KUOKOA HOME RULA O KE TERITORE O HAWAII [ARTICLE]

Ke Kuahaua Laula a ka Peresidena Charles Kahiliaulani Notley

NO NA WA E NOHO AI NA AHA ELELE APANA A KALANA O KA AOAO KUOKOA HOME RULA O KE TERITORE O HAWAII

I kulike ai me ka mana i haawiia mai ia'u ma ka Pauku 5 o ke Kumukanawai o ka Aoao Kuokoa Home Rula o ke Teritore o Hawaii nei. Nolaila, ke kukala aku nei au ma keia Olelo Kuahaua Laula no na manawa ame na wahi e malamaia ai na Aha Elele o ke Teritore, elike me ia i hoikeia malalo iho nei, penei; MAUI E noho ana ka Aha Elele Wae Moho Senatoa me Lunamakaainana ame ka wae ana i na Luna o ke Kalana ma Lahaina, hora 10 a. m. o ka la 6 o Sepatemaba, 1906. Ua makemakeia na Elele a pau e akoakoa ae mamua o ka manawa i hai ia ma ka hale halawai o Rev. E. Kekipi. HAWAII E noho ana ka Aha Elele Wae Moho Senatoa me Lunamakaainana ame na Luna o ke Kalana o Hawaii, o Puna, Hilo me Hamakua, ma Hilo, ma ka hora 10 a. m. o ka la 10 o Sepatemaba, 1906. Ua makemakeia na Elele a pau e akoakoa ae mamua o ka manawa. E noho ana ka Aha Elele Wae Senatoa, Lunamakaainana ame na Luna o ke Kalana ma Kau, na Kona ame na Kohala, ma Waimea, Kohala Hema, Poaha, Sepatemaba la 13, ma ka hora 10 a.m. oia la. Ua makemakeia na lala a pau e akoakoa ae mamua o ka manawa ma ka Hale Hookolokolo o Waimea. KAUAI E noho ana ka Aha Elele Wae Senatoa me Lunamakaainana o ke Kalana ma Kapaa, ma ka hora 10 o ka la 20 o Sepatemaba, 1906. OAHU E noho ana ka Aha Elele Wae Senatoa me Lunamakaainana ame na Luna o ke Kalana ma Honolulu, ma ka

hora 10 a.m. o ka la 24 o Sepatemaba, 1906. Ua makemakeia na Elele a pau e akoakoa ae ma Kahiliaulani Hall mamua o ka manawa. Aole i papa ia ka lawe ana ae o ka Elele i na palapala hookohu hope (proxy), a iole ia, ka hoouna ana o kekahi Elele i kekahi mea e ae ana i hihnai ai, ina nae he Home Rula ia mea; a o ka hoouna ana o kekahi Elele i kona palapala hookohu (proxy) i kekahi mea aole ia he Home Rula, aole e heluia ke koho ana aia mea ma na ninau a pau. Ina he mau hoololi kekahi e makemakeia ana e ka Aha Apana a Kalana o kekahi Kalana i keia Papa Kuhikuhi e pono e waiho koke ae ia Aha Apana a Kalana ia hooioli i ka Mana Hooko Nui ma Honolulu. E haalele iho ana ka Peresidena Nui ia Honolulu nei no ka malama ana i na Aha Elele Apana a Kalana i hoakakaia ae la no ka Aha Elele o Maui; a nee aku no na Aha Elele e ae. C. K. NOTLEY, Peresidena Nui o ka Aoao Kuokoa Home Rula. Ha halawai pi-wai ko keia po o na ohule. Ua hanau mai na ka wahine a Mr. Dods o Kahuku he keikikane nui, ma ka hale hoohanau. Ke holomua nei na hana o ke alanui lio hao mai Kahuku aku a Punaluu. E nui ana ka nani ke pau i ka hoopahinu ia. Ua hookui ae ke kaa baikikala o A. W. Hall me ke kaa uwila i kakahiaka onhinei ma alanui Papu a hakihaki liilii, a pakele ke ola mai lilo aku. E hoomanao e na makamaka ame na poe lawe Nupepa o KA NA'I AUPUNI aole e hoouna hou mai i ka oukou mau Uku Nupepa ma ke Poo Leta. E hoolohe ma keia leo papa. Ma ke dala kuike e hoouna mai ai ma keia mua aku