Ka Naʻi Aupuni, Volume II, Number 68, 21 August 1906 — Ka Inoa Kahiliaulani. [ARTICLE]

Ka Inoa Kahiliaulani.

Ua hooia maopopo ia mai ia makou, aole loa i makemake ka Elele KAHILIAULANI e kapa hou ia kela inoa, KAHILIAULANI maluna o kekahi Ahahui e lawelaweia nei e kekahi poe ma ke ano he Ahahui Hookuonoono malalo o na eheu o ka Ahahui Kalaiaina Home Rula. Nolaila, e hoomaopoo na Home Rula oiaio a pau mai Hawaii a Niihau, aole loa he kuleana o ka Elele KAHILIAULANI ma na lawelawe hana ana a ka poe na lakou e alakai nei ia Ahahui. Aole no oia e kakoo aku ana i na hana a ia Ahahui. Hookahi no Ahahui a Kahiliaulani e kakoo nei, oia ka Ahahui Kalaiaina Kuokoa Home Rula.