Ka Naʻi Aupuni, Volume II, Number 126, 29 October 1906 — HOME RULA OIAIO. [ARTICLE]

HOME RULA OIAIO.

H—e Home Rula Oiaio au, Paa mau! Paa mau kuu manao O—ni paa kuu manaoio, Maluna o ka Home Rula. M—alama au ia manao paa, I na kau apau o kuu ola ana. E—lilo ka lani me ka honua i ole, Paa mau no kuu manaoio. R—ula au i kuu Home Aloha, O Hawaii kuu aina hanau. U—a lilo ia Amerika pookela, Kuu aina, kuu aina aloha. L—anakila ke koho balota laula, No ka pono kaulike o ka lehulehu. A—ole au e puni i ka mali leo, A Repupalika me Demokarata. O—iai he Home Rula oiaio au, I na kau apau o kuu ola ana. I—ku umauma au a ikuwa ae, Home Rula kuu aloha ia. A—koho au me ka lanakila, No Kahiliaulani ke aloha lahui. I—hookahi kahi ka manao, e ka lahui, No na Moho Home Rula apau, O—ia ka'u upu, e upu mau nei, A hookoia ma ka la 6 o Novemaba.