Ka Naʻi Aupuni, Volume II, Number 147, 21 November 1906 — HE MOOLELO NO ALAMIRA. Ka U'i Hapa Paniolo o Pelekane. [ARTICLE]

HE MOOLELO NO ALAMIRA.

Ka U'i Hapa Paniolo o Pelekane.

MOKUNA XVI. E kaohi ana hoi makou i ko makou niaa lima, aole e kau a e hoopa aku maluna ona, aole hoi i kau wahi lihi o kona kino. A e hooko ana makou i keia kauoha paa luli ole. A pela makou e ola ai ia Allah, mai ke ao kumu ole a i ke ao pau ole." Alaila, e kue mai ana oukou i ka'u kauoha e haawi aku nei ia onkou? Pela anei? Wahi a ua Nunui Irelani nei i mnau aku ai i ua poe kanaka nei ona, me ka piha inaina. Ae mai la ua poe kanaka nei me ke oho iike aua ae o ko lakou,mau leo: "0 Allah ke'akaa; Mahometa ke kaula; a o Mura tima ko kakou alii!" I nei wa i ku ae ai ua poe nei iluna me ka hikiwawe loa, me he olapa ana la na ka uwila a hoopuni ae lakou ia Pablo, me kapane ana mai o kela kanaka pilalahi i kamailio mai ai 1 ka nunui mana» manalima 12. "E ko makou alii, e Muratima, e haawi mai i ke kauoha īa makou koke ia no na mea ola apau o luna nei o keia moku iloko o ka imo ana o ka lau lihilihi o ko makou mau maka." Ua lilo keia hana a ua poe kaoaka nei i mea hoo pilikia loa i ka noonoo o ka nunui manamanalima umikumamalua o Irelani. Ke ike ae la oia me ka hoohewahewa ole mamuli o keia huliamahi ana ae o kekahi mahele o kona poe kanaka, ua haalele mai la ka aneane elua hapakolu ona kanaka o lona o kona moku iaia; a o lakou hoi apau, he pos makaukau wale no i ke kaua ma na ano apau; a he poe puuwai wiwo ole hoi lakou apau. Ke ike pu iho la oia ia wa; he mea makehewa loa iaia ka haawi ana ae i ke kauoha i na kanaka i koe e lele mai ianou e hoopaa pio i keia ooe i ku ae la a huli aku la mahope o ka paele Nubia, Ua mao popo loa i'aia iloko o ia wa, he pio maopopo oia ame na kanaka mahope ona; a pela pu hoi me ko lakou moku na ka Nubia ana i hoowahawaha loa ai, nolaila aohe ana mea e hana aku ai; a o kana hana wale no i hooholo iho ai ia wa, oia kona pane ana'ku, penei: "E Pablo, ke ike nei au, he pio au nau; a e alakai aku oe lau ma kahi au i makemake ai; aole nae ma muli.o ko'u ae ana'ku aka, no ka hiki ole ia'u ke pale ae." I kela wa hoi ī pane aku ai o Pab!o i ua Nunui Irelani nei. "0 keia poe kanaka apau e hooponi nei ia'u, eliko me kau e ike mai nei, he poe mamo lakou mai loko mai o ka lahui Arebia; a he manaoio hoomana Maho „ meta lakou. Owau no ko lakou alii; aka, aole nae hiki i ka mea i kamnaina mua ole ia'u, o loko o keia lahui, ke ike mai la'u, ma ke ano owau ka mea i noho alii maluna o lakou, ke ole lakou e lohe i ko'u inoa, a i ole ia. lohe paha lakou i na huaolelo a'u i hoopuka ae nei ame na ano huaolelo e ae, elike me ia ke ano. E lIOOMAUIA AKU ANA.