Ka Naʻi Aupuni, Volume III, Number 1, 1 January 1907 — KA MOOLELO O HAINAKOLO [ARTICLE]

KA MOOLELO O HAINAKOLO

Eia mai ka moolelo hialaai nui ia o HAINAKOLO, ke puka aku nei ma keia hoomaka hou ana o ka nupepa KA NAI AUPUNI ma keia makahiki. O keia ka Ui kaulana loa o Waipio i halelu mau ia ai e na humanaa a'o hula ma ka hookanikani ana: 1 O oe ia e kuu ipo pehi pua hinano

2 Ki-ke hala hoomaui 3 I lu ka ua i i ke ala, a waiho malie 4 He haupu he halia i ka moe 5 I moe ia e kaua a aloha 6 E Hai-wahine 7 E Hai-nakolo 8 I ka pali kapu o Waipio 9 He hoapili he hoa oe no Laukaieie 10 He hoa hooulu lei no ka ua 11 A maliu mai oe pono 12 A ae mai oe ola hoi—e 13 E ola i ka leo 14 E ola i ka loaa mai 15 E ola ia makou i na haumana hula. Hoonuu ono ia mai ka Ui o ka Wailele o Hiilawe. Lawe no a lilo, uo no a paa— Hapenuia!

♦ • ♦ Ua make mai nei ma Kapalakiko o Kapena Seabury, kekahi o na Kapena o na mokuahi o ka Hui Mokuahi Pakipika i kamaaina nui loa i ko Hawaii nei mau keiki uwapo.