Ka Naʻi Aupuni, Volume III, Number 40, 25 February 1907 — Na Kanawai Home Rula ilokookaHale Lunamakaainana [ARTICLE]

Na Kanawai Home Rula iloko o ka Hale Lunamakaainana

I kulike ai me na Kahua Hana a ka Aoao Kuokoa Home Rula i hoike ai imua o ka lahui koho balota mai Hawaii a Kauai, ke hoike aku nei makou i kekahi mau Bila Kanawai a ia Aoao i hookomo aku ai maloko o ka Hale o na Lunamakaainana. Poaha, Feb. 21— La Hana Elua. Auina La 1. He Kanawai e hoomaopopo ana i ka uku o na paahana alanui, oihana wai, uwapo a hana e ae o loko o ke Teritore, Ka-

lana a mahele aupuni kuloko e ae paha, aole emi malalo o $1.50 no ka la hana hookahi; a e hoomaka ka mana ana o keia uku ma ka la 1 ae nei o Aperila a mahope aku nohoi. 2 He Kanawai e ae ana i na poe koho balota i hoohanaia ma na hana apau o loko nei o ke Teritore (aupuni a ano e ae paha) e hele i ke koho balota apau; a i ekolu hora i ka'i-like e waiho ai lakou i na hana no ka hele ana i ke koho balota; a, aole e hoemiia iho ko lakou uku hana mamuli o ia kaawale ana'ku, a o ka haku hana e kue ana i kela kanawai he hewa mikaminaia nona, a e

hoopaiia oia. 3 He Kanawai e kau ana i 1 1-2 keneta ka auhau maluna o ke dala hookahi o ka huina waiwai i'o o ka waiwai paa i oi aku kona waiwai io mamua o $2000; a pela nohoi ia waiwai lewa. Na Hon. S. K. Mahoe ka pukaua Home Rula mai Waialua mai, i hookomo i keia mau kanawai ae la. 4. Kanawai e kau ana i ka uku hana o na paahana alanui, a pela aku, o ke aupuni Teritore a Kalana hoi, no ka la hana hookahi i $2.00; e hoomaka ana ka mana ana o keia uku hana mai ka la 1 o Mei a mahope aku. 5. He Kanawai e hoololi ana i na Pauku 42, 69, 73, 76, 78, 83, 89 me 96 o na Kanawai Hoopo-