Ka Naʻi Aupuni, Volume III, Number 43, 28 February 1907 — Like Ole Kuhio me Wilikoki ! [ARTICLE]

Like Ole Kuhio me Wilikoki!

Ma ko Wilikoki kau i noho ai i ka Ahaolelo Nui o Amerika, ua holo mai kekahi mau Senatoa mai ka Ahaolelo Nui mai o Amerika i Hawaii nei mamuli o na lilo ponoi i hookaawaleia e ka Ahaolelo Nui o Amerika Huipuia, Aole i hookaumahaia mai ko Hawaii nei Ahaolelo. A i ko Kuhio kau hoi e noho nei ma ka Ahaolelo Nui ma Wasinetona, ua koiia mai ko Hawaii nei Ahaolelo e hoolilo aku i puu dala mahuahua no ka holo ana mai o kekahi mau hoa o ka Ahaolelo o Amerika ia nei. He like ole ano nui loa keia o na ike Kalaiaina a ka Elele Lahui Home Rula e moe mai la ma Koula, me ka Elele Repubalika e noho mai la ma Wasinetona. Ua hai mai kekahi Senatoa e noho nei ma ka Ahaolelo i keia wa; o ke kumu nui o ko na kakoo ana i keia haawina dala e lu helelei ia aku nei mailoko aku o ko Hawaii nei waihona, i mea e hoea mai ai kela poe maka hanohano i Hawaii nei a hiki i na kanaka Hawaii ke launa pu me ia poe a waiho aku imua o lakou i ka lakou mau hoopii i makemake ai. He manao maikai keia o ua Solona nei, aka, e hiki ana anei i na hoopii a na kanaka Hawaii i punuku ole ia ko lakou mau ihu ke puai wahi hanu ae imua o kela poe, oiai eia no i kau-ha e nei na poe like loa me Wai hinalo-a-ka poipoi i ke au o Olepau? Ua poholo a make he keiki Kepani ma ka lokowai ma Maweli, Kauai. Pau ka mahina i keia la, a mai poina i ke ola o ka kakou Puka La o Hainakolo me Masiliona. Hauhiliki mai nei ke Komite Pai o ka Hale i na Bila Kanawai a na Hoa, hapala ke kea na ka ele ka ai. Ua rula au-ka mai nei ka Aha a Dole, aohe pono o na mea pili mikanele i mau hoike kue i ka mea hoopiiia. Ea, puka hoi o ke Kauoha — Go a head George! Ua ninaninauia aku o Adimarala Tamioka o ke aumokukaua Kepani i ku iho nei, no ka mea e pili ana i ke kaua o Iapana me Amerika. Ua hoole loa mai la oia aohe noonoo ana o Iapana e kaua me Amerika.

E loaa no ma ko makou nei keena, ka Buke Moolelo o Koolau, ke keiki aiwaiwa o na Pali o Kala lau nana i ulupa na koa Pi Gi — He $1.00 o ka Buke. J8*sl='0 na poe a pan e makemake ana i kaBuke Moolela AEKAI O IIAWAII ma ua Wa »ha, Maui. e loaa no ma ka lima c ka Luua Buke eleu, Mr Ukiki Aola i ka Maln i ke Ao. *