Ka Naʻi Aupuni, Volume V, Number 7, 10 January 1908 — Kauoha Mana Hooko! [ARTICLE]

Kauoha Mana Hooko!

Ma ko Kumukanawai o ka Aoao Kalaiaina, ua koo maopopoia, e waeia ka Moho Elele i Wa3inetona, na Senatoa, na Lunanaakaainana ame na Luna Aupuni Kalana mailoko ponoi mai o na Home Rula 1 paa ko lakou mau inoa ma ka papainoa o na poe .Home Lula ma kela ame Ueia Mahele. Nolaila, ke kauohaia nei na Kalabu Ilome Rula apan a puni ke Teritore, no ka hoopaa ana i na inoa o na lala ma ka buke o kolakou man ahahui. a pela hoi me na poe e makamake ana e lilo i mau lala no keia Aoao Kalaiaina Home Rula, ka Aoao nana e hana nei i ka pono nui no keia lahui. o keia ka wa e hoopaa ai i ko lakou mau iuoa no ka lilo ana i mau lala. He mau keehina hana nui ka ka Aoao Kalaiaina Kuokoa Home Rula e hoonee aku ana ma keia mua koke aku, mahope o ka hookoia ana o ka makemake o ka lahui e pili ana ia Walaka.