Ka Naʻi Aupuni, Volume V, Number 9, 14 January 1908 — KA OIHANA KILOKILO ASTROLOGIA. Ke Kilo Ouli Mamuli o na Hoike a na Hoku o ka Poiuiu Lani. [ARTICLE]

KA OIHANA KILOKILO ASTROLOGIA. Ke Kilo Ouli Mamuli o na Hoike a na Hoku o ka Poiuiu Lani.

Oiai, aohe a makou Kii e lioike ana i na Hale he 12 o ke Zodiaka, elike me na hoailona he 12 i hoike mua ia aku; nolaila, ke manao nei makou e hoike aku i ka mea heluhelu e hana iho no oia i kaha poai poepoe maiuna o kekahi apana pepa kaa wale. A penei e hana ai: E kaha i poai poepoe elike ka nui me ka mea e hiki ana ke komo pau pono na inoa o na kaulana hoailoua Zodiaka he 12 i hoikeia ae nei; nae na inoa 6 na malama me na la, elike no me ka mea i hoikeia aku. Alaila, i ka loaa ana o keia kaha poai, e kaha hou iho he kaha poai hou maloko iho oia kaha poai mua, ma kahi he aneane hookahi iniha me ka hapa,a elua no paha iniha ke kaawale mai ke kaha poai mua mai, I ka loaa ana o keia mau kaha poepoe elua; e mahelehele i ka poepoe pi'o e holo ana mawaena o na kaha elua iloko o na kowa like loa o 12 ka heluna nui. O keia mau kowa he 12 i loaa ae la; o lakou no na Hale he 12 o ke Zodiaka. 0 ka aoao maluna o ka Poai i loaa ae la, e kau iho i ka huaolelo "Hema" | South]. Ma ka aoao malalo o ka Paoi, ka huaolelo "Akau" [North]. Ma ka aoao o ka pepa e huii ana i kou kipoohiwi "Hema;" e kau iho i ka huaolelo "Hikina;" a ma ka aoao o ka pepa, e kupono ana i kou kipoohiwi akau, e kau iho i ka huaoleio 'Komohana." 1 ka paa o keia kii i ke kahaia ma ka apana pepa, ua loaa na Hale he 12 o ka Zodiaka; ame na kukulu nui Eha (4); Bikina, Komohana, Akau, ame Hema. Alaila, e hookomo i na j| inoa o kela ame keia lloailona Zodiaka i hoikeia ae nei maloko i o keia mau "Kowa'' a "Hale'' hoi. Penei: Ma ke "Kowa," a huina-ha-lua-like, e ku-pololei ana i ke kukulu "Hikina" o ke kii, e kakau iho i ka inoa "Hipakane ' me ' Maraki 21. Ma ke "kowa,'' a huina-ha-lua.like malalo mai, e nee ana i ka "Akau" oia hoi ka aoeo lalo o ke kii, e kakau iho ia "Eipikane," me "Aperila 20." O ke kowa ekolu aka, e hoopaa ia '.'Na Mahoe" me "Mei 20." O ka hoailona auanei e kupololei ana i ke kuku lu akau o ke kii Poai o ke Zodiaka,"oia o "Papai" me Iune 19." Alaila, nee ae ma ka pii ana aku a loaa ke kukulu "Komohana" o ke kii. E kakau iho ma ke kowa mahope aku o Papai, ia "Liona" me Iulai 24; aiaila, o "W ahine-puupaa" aku]me Auga te 28. O ka hoailona e ku pololeijana i^ke kukulu Komohana o ke kii, oia o "Kaupaona," 8epetemaba 22. Alaila, o Kopena aku, Okatoba 22; alaila, o 'Kanaka Pana Pua" aku me Novema ba 21. O ka hoailona Zodiaka, e ku ana ma ke kukulu Hema o ke kii, oia ka aoao maluna 'o ua kii la, oia o ["Kao Kane," me Dekemaba 21. Aiaila, iho ma ka aoao Hikina o ke kii. E komo ma ke kowa mahope aku o ' Kao Kane,'- o Kanaka Lawe Wai me Ianuari 20; alaila, o ' Na I'a" aku me Feberuari i9. A o ka hoea hou no ia i "Hipakane," ka hoailonaUma ka 'Hikina o ke kii. O kekahi mea e hoomaopopoia ma keia uiahele o na Hoailona he 12 oia na Mahele Nui Eha i hoonohonoho papa ia ai keia mau Hoailona; ma ke ano; he ekolu mau Hoailona iloko o ka Mahele hookahi. O keia mau Mahele ekolu, oia keia: (1) ke Ahi; (2) ka Lepo, a o ka Honua hoi^ (3) ka Lewa, a o ka Ea hoi; (4) ka Wai.. O na Hoailona Zodiaka o Hipakane, Liona aine Kanaka Pana Pua, aia i .kou maloko o ka Mahele Ahi. O na Hoailona Zodiaka o Bipikane, Wahine Puupaa me Kao Kane, aia lakou maloko o ka Mahele o ka Holiua, a Lepo hoi. O na Hoailona Zodiaka o Xa Mahoe, Kaupaona ame Kanaka Lawe Wai, aia lakou maloko o ka Mahele o ka LeWa, a oka Ea hoi. O na Hoailona Zodiaka Na I'a, Papa'i ame Kopena, aia lakou maloko o ka Mahele Wai. Nolaila, mainuli o keia kuiana hoonohoaoho e loaa ai ..e hoike hou, a i ole, he Papa Hoonohonoho hou, penei: NA HOAILONA NA Xa MAHELE 1 Hipakane Maraki 20 Ahi (Fire) 2 Bipikane Aperila 21 Honua (Earth) 3 Na Mahoe Mei 20 Lewa (Ail""E:l) 4 Papa'i īune 23 Wai (Watef) 5 Liona Iulai 24 Ahl 6 Virigine Augate. 23 Honua I

7 Kaupaona Sepatemaba 22 Lewa 8 Kopiana Okatoba 22 Wai 9 Pana-pua Novemaba 21 Ahi 10 Kaokane Dekemaba 21 Honua 11 Kanaka lawe wai Ianuari 20 Lewa ' 12 Na I'a Feberuari 19 Wai Aole i pau.