Ka Naʻi Aupuni, Volume V, Number 11, 16 January 1908 — He Opun Pua Makamae, Ua Hala— Aloha wale! [ARTICLE]

He Opun Pua Makamae, Ua Hala— Aloha wale!

Me ke kaumaha a luuluu nui makou e hoike aku nei i ko makou mau kini makamaka mai Hawaii o Keawe a hoea i Kauai o Mano, no ka oluolu ana i ka Makua Mana Loa e puili aku i ke ola maemae o kekahi o na moopuna i alohaia a MR. me MRS. CHARLES K. NOTLEY, ma ka po o ka Poakolu nei, Ianuari 15, ma kahi noho o kona mau kupuna ma Kamakela ae nei. O ka helu elua keia o na hna ohaha i hanauia mai e ka laua lei aloha i mare ai me Mr. W- H. Heen, a holo ai i Kina. Ma ka Aina Pua i hanau ai ka laua makahiapo; a malaila nohoi i hookauhua ai ka makuahine (Mrs. Heen) i ka lua o ka laua mau keiki, oia keia i hala aku la. A no kona aloha i kona mau makua ame ka ohana, ua huli hoi mai la oia no ke one oiwi, a hanau i keia hua o kona pu|iaka imua o ke alo o kona mau luaui. Ua lilo nohoi ka hanai ia ana i na kupuna; a o ka laua moopuna nohoi ia. Ua piha na mahina ekolu a oi i ua kamalei nei, a hala aku la i ke alamuku iuiu ano hoi hou ole mai. Ke komo pu aku nei makou me na kupuna na makua ame ka ohana apau o ke kamalei i hala aku ma ka « pu ana iloko o ke kaumaha ame ka luuluu. Aka, 0 ke Akuo Jca Puuhonua o ka poe kaumaha ame ka luuluu.