Ka Naʻi Aupuni, Volume V, Number 13, 20 January 1908 — Masiliona ke Koa -A ME- Maginolia ka Ipo! [?] MOKUNA IV. [?] [ARTICLE]

Masiliona ke Koa -A ME- Maginolia ka Ipo! [?] MOKUNA IV. [?]

Ua hooholoia ko olua mau manao e na Naita; mekeia wahi hoololi nae, oia hoi; o ka mea o olua e lanakila ana, oia ka hoa paio o ko makou moneka Pelekane, ame ka leo nui, pane ae la oia: "Aole ia he mea hou mawaena o na makua moneka hemolele ma na wahi apau o Europa nei. Aia mawaena o lakou he poe makaukau loa i ka oniu ana i na mea kaua i oi aku i ko na poe i lilo maoli i mau Naita. A ke kanalua ole nei au, e ae mai ana no ka Naita opio nei i keia noi. Pehea la kou manao, e Sir Masiliona de Masana?" Pane aku la au: "Ua like kou manao me ko'u. Ua makemake nohoi au e loaa mai he mau haawina a'o hou mai ka helu ekahi mai o na kanaka akamai loa mawaena o na makua moneka nei ma ka lawelawe ana i na mea kaua." E kuu makamaka heluhelu, ke ike mai la no oe, ua loaa ae la ko'u hoa ulele oniu pahikaua. A e ike ana oe i ka'u kakele pahikaua hou ana'ku me ke kanaka Pelekane nona ka nui o ka ike ame ka makaukau oniu makakila i hiki ole ia'u ke ike a hoomaopopo ia wa. Ia manawa haalele iho la au i ko'u mau hoa e ku ana, a hoi aku la au noloko o ko'u rumi no ke komo hou ana i ,aahu no'u, i kupono ai no ka hana i makemakeia mawaena o'u ame ka Naifa Geofere. Ua hoea aku la au i ko'u keena; a iloko nohoi o ka wa pokole, ua makaukau ae la au no ka hakoko pahikaua e hiki mai ana mawaena o'u ame ka Naita Pelekane. la'u i haalele aku ai i ko'u keena, a hoi hou aku la i kahi e ku puukiuki ana na Naita, ike aku la au e ku mai ana ka Naita Geofere, aohe kona aahu kila maluna ona. A ma kona mau ano apau a'u e ike aku ana, ua makaukau maoli oia no ka oniu pahikaua ana mewaena ona ame a'u, elike me ka maua i aelike ai. Ua hele ae la ke kahua e paio aku ai maua a ohuohu i na Moneka ame ko makou poe kanaka nohoi. Aia malu na o ka hale pohai e ku ana ma ua kahua nei, e nonoho ana na moneka luna nui o ka hale hoohiki; a pela nohoi me kekahi mau naita alakai o makou. Ia wa, aole i hoea ae kuu Maganolia aloha, ka mea i hooholoia, oia ana ka Moiwahine o ka Nani, no na hana e lawelaweia ana mawaena o'u ame ka Naita Geofele. Aia iluna o ka aleo, na naita Guisiuma, Petero ame kekahi mau naita e ae; a pela pu hoi me ke Kauna Kadila ka ame ke alakai o na kanaka Kavalia. O ke kanaka He lene ano e hoi, eia oia ke ku pu nei me a'u; a ma ka'u hoomaopopo iho ia manawa, oia kekahi o ko'u mau kiai. Ua aui loa ka la ia wa. A ua malu nohoi keia wahi a makou e ku nei. He manawa oluolu maikai keia. Ua kani mai la ka pu puhi mai luna mai o ka hale pohai; a he leo keia e hoike mai ana i na mea apau, ua kokoke mai ka wa no ka hana i makemakeia mawaena o'u ame ke kanaka Pelekane. Alaila kani hou mai la ka pu puhi; a ike aku la au i ke ku ana ae o ka poe e noho ana iluna o ka hale pohai. Eia ka auanei; o kuu Maganolia keia e hele mai nei me ko na luaui makuahine, me kekahi viligine, a malalo hoi o ke kiai ana o kekahi poe moneka i lako me na laau newa. Hele'aku la o Maganolia ma a pii aku la iluna o ka hale pohai; a noho iho la nohoi lakou maluna o ko lakou mau noho. Mahope iho, ike aku la au i ka hele ana mai o kekahi mau Moneka elua me kekahi mau kapakila maka

upena ma ko laua mau lima. Hookahi o laua, hele mai la ma ka'u wahi e ku ana, a nookahi hoi hele aku la ma kahi' a ka naita Geofere e ku ana. Ua hoaahuia iho la maua pakahi me keia mau kapakila maka upena. I ka paa ana o keia mau kapa maluna o niaua. ia wa i kani hou mai ai ka pu puhi, a hele aku la au ame ka Naita Geofere a ku maloko o kahi i hookaawaleia no maua. la maua e ku nei imua o kahi ame kahi, ua ano like loa no ko maua mau oiwi kino. Ano like no ko maua mau kulana. No'u iho ia wa, aole loa i puai ae na manao hopohopo a ano e iloko o'u; eia nae, ua manaoio iho la no au ia manawa e loaa ana no ia'u he mau hakoko pahikaua ikaika loa ana me ua kanaka Pelekane nei. Eia ka maka o na mea apau ke nana mai nei maluna o maua; a roa ka'u hoomaopopo iho, e piha mahalo mai ana ko lakou mau manao no ko maua mau kulana e ku anaia wa. A ia'u i awihi iki ae ai i ka hale pohai, ike aku la au i kuu Maganolia aloha e nana pono mai ana no maluna o'u me na onohi maka ano pihoihoi. Ua kani hou mai la ka pu puhi, aokawa no ia i huila ae ai ka maua mau pahikaua mamua o ko maua mau alo. Ae; ua hoomaka iho la ka maua ulele kaka-pahi ana, e alualu ana hoi kela ame keia o maua no ka pahu hopu o ka lanakila. Ke ike la au ia wa, he kanaka akamai maoli ka Naita Geofere i ka oniu pahikaua; a he kanaka oolea maoli nohoi. Ua hoohalike loa au i kona makaukau lawelawe pahikaua me ko ka Naita Guisiuma. A no ka mea nae e pili ana i ka mama lele, elike me ka Guisiuma i a'o ai ia'u, aole au i ike, pehea la ka nui o ka makaukau o ua hoa nei o'u. Aole i pau.