Ka Naʻi Aupuni, Volume V, Number 14, 21 January 1908 — Pakele na Moku- kana Amerika [ARTICLE]

Pakele na Mokukana Amerika

Rio de Janeiro, Berazila, īan. 19 — Ua ikeia kekahi hoolala ana a ka poe anakia maanei nei no ka hoopahu ana i ke aumokukaua Amenka malalo o Adimarala Evans e ku nei maanei, aka; ua holo pono ole nae keia mau hoolala ana i upu ia mamuli o kekahi mau kumu maopopo ole. Rio de Jainero, Ianuari 20 — Lehulehu loa na poe i hopuia ma-ka mea e pili ana i ka hana hoolala no ka hoopahu malu ana i na mokukaua Amerika ka hana hoi i manaoia na ka poe anakia ana e hooko aku. Parisa, Ianuari 21 — O ka olelo e hoike ana, ua hai ia aku ka lohe mai Parisa aku nei-a i na Iuna aupuni o Berazila no ka upu maluia ana o na mokukaua America e hoopahuia, a he oiaio hoi ia moolelo, ke manao nei ko oneipoe he manao ulala wale no ia o ke kulana hehena kiekie.