Ka Naʻi Aupuni, Volume V, Number 15, 22 January 1908 — Masiliona ke Koa --A ME-- Maganolia Ka Ipo! [?] MOKUNA IV [?] [ARTICLE]

Masiliona ke Koa --A ME-- Maganolia Ka Ipo! [?] MOKUNA IV [?]

E ke kanaka opio, ua hanauia oe i keia ao i mea kakele pahikaua akamai loa. Ua hakilo pono Joa au i ke ano o kau mau pale ana i na maka pahi |a kou hoa nei, a ua ike au i ke kamahao lua ole o kou akamai." Ia wa nohoi i aluka nui mai ai na hoaloha moneka o'u e haawi mai i ka iakou mau hoomaikai ana mai ia'u. I ka loaa iki ana no he manawa kupono no'u e kaawale ai mai keia poe moneka mai, aia hoi, ua holo kiki aku la au noluna o ka hale pohai, kahi hoi a kuu aloha e noho mai ana. Ua halawai aku la au me kuu MaganoIia. He oiaio, ua k°hu pono au i ka olelo ana ae, o kuu Maganolia no ia' oiai ua polena paa ia maua e ke sakarema hemolele o ka materemonio. Ua kane au nana a ua wahine hoi oia na'u. Me ke ohohia ulumahiehie maikai i apo mai ai ua Ma ganolia nei ia'u; a haawi mai no oia i kana mau mahalo ana no ke ano o ko'u kakoo ana i ko mauahanohano ma ka la o ko maua hoohuiia ana ma ka mare. O ka Madame de Stella nohoi kekaai i hoike mai i kona mahalo no ka'u mau lawelawe ka-ka pahi ana, me ka olelo ana mai nohoi, no kona mahalo i ka Naita Pelekane. He manawa ia no u i launa kamailio iho ai me na poe apau e akoakoa ana ma ka hale pohai; a mahope kani hou ae la ka pu puhi no ka hoomaka ana o ka mahele elua o ke kaka pahi mawaena o'u ame ka Naita Pelekane. Ua hoi hou aku la au a ku ilalo mai luna aku o ka ha le pohai. Ua unuhi ae la au i ka'u pahi a ku aku la hoi ma ke kahua kaka pahi o maua me ka Naita Pelekane. Emoole kani mai Ia ka pu puhi; a hoomaka iho la ka mahe le elua o ka'u kakele pahikaua ana me ua naita nei. Na'u ka'nhau ame ke kiina pahi ana i keia wa; a o ka pale ana hoi, na kuu hoa la. I nei manawa, ua hoouluulu ae la au i kuu ike kaka pahi apau akoakoa iloko o kuu poo, ame ka makaala e hia-a ana iloko o ko'u mau noonoo apau ua kakele aku la au i ka'u pahikaua imua o Geofere, ka Naita Pelekane. Ua hele au a piha uwiia ia wa, a ke ike la no au ia manawa i na pale ana a ua naita Pelekane nei; a he ku no i ke akamai. Aole no i kana mai kona makaukau; a ua mahalo nohoi au iaia. Aka, ke ike akn la no nae au i ka hiohiona hakumakuma a kuekue maka nui e kau ana maluna o ua Naita Pelekane nei, ma na wa apau a'u e onou aku ai a e uhau aku ai paha ia mau hauna pahi a mau kiina pahi ano hou loa. Oia mau kiina pahi nae a'u i kakele aku ai maluna o ua hoa paio nef o'u, a iluna o ke kanaka i loaa ole ka makaukau elike me ko ua naita Pelekane nei, īna no 113. ai nianu mua, ka oi o ka'u pahikaua,. Ke hakilo pono loa la no nae au no ka wa pono a'u e hiki ai ke paani aku i ua Naita Pelekane nei. I nei wa, ua hele mai la na Moneka a iulumi pono mai la i kahi a maua e hoonee nei i ka maua hana. O ka moneka nunui hoi keia i haawi mai ai i kana mau hakilo pono loa ana ia u ma ka wa mamua aku, a i aloha mai ai nohoi ia'u, oia ke pookela loa o ka piha ulupuni no keia hookele pahikaua hou ana a maua. Aole i hala he umi minute o ka maua ulele kaka pahi ana iho, aia hoi, ua loaa aku la ia'u he wahi moali uuku iki a'u i manao ai, ina nohoi e holo pono ka'u kii ana ma ia wahi moali me ka loaa mua ole o ke ao kanaka i kuu hoa, alaila, ua lilo koke ia'u kana pahikaua. A 0 ka u i hana ai oia ko u ae ana e hiki i ka pahikaua a kuu hoa ke pahu mai oia ia'u, mamuli o ko'n hoohemahe ma maoli ana i ko'u kulana; a ma ia ano e manao ai kuu h°a e kakiwi koke mai i ka maka o kana pahi me ka hooponopono ole; a oiai e manao ana oia ia wa, ua hemahema

maoli ko'u kulana kaka pahi e hoonee aku ai imua ona. He mea oiaio, ua apo koke mai Ia oia i keia wahi hoo, a:e .vale a u i waiho aku ai imua ona. A o kona manawa k°ke no ia i hoolele mai ai i kana pahikaua me ka hikiwa we ° kana hoolele ane mai i kana pahi; peIa ka hikiwawe launa ole o ko'u wili ana'ku i ka'u pahi i ka pahikaua a ua Naita Geofere nei; a kaili mai la au i kana pahi mai loko l mai 0 kona lima, a kiola ae Ia au i ua pahi nei iluna iloke0 na leo huro o na mea apau e puai ana ia manawa. I Ka iKe aua mai o ua naita nei i ka lilo ana mai o ka na pahikaua ia'u 'ua nana mai la oia ia'u me na mino aka hauoli ana. Ia manawa, olelo mai la oia ia'u i ka r ana mai. "Auhea oe e kuu hoaloha opio, ke haawi aku nei au i ka u mau hoomaikai ana in oe no keia apana hana akamai1 loa au i hoike mai nei imua o'u. A Z