Ka Naʻi Aupuni, Volume V, Number 17, 24 January 1908 — Kakoo o Kahiliaulani [ARTICLE]

Kakoo o Kahiliaulani

Mahope iho' o na noonoo akahele ana a ke Alakai Lahui i ka olelo hooholo a ka Papa Ola, ka Papa mana hoi ma na kanawai o ke Terifore, e hoolilo ana i na hana olalau a kela Za o ka wa i hala i mea ole. A no ka mea hoi e pili ana i ka aelike e ae ana ia Walaka e lapaau i na ma'i lepera he 12 o Molokai, ua ao ikaika aku o Kahiliaulani ia Walaka no ke kakauinoa ana i ka aelike, a no ka hooko ana aku nohoi i ka manaolana o na lepera o Molokai ame ka hauoli nui e loaa ana i ka lahui Plawaii i noho kaniuhu iloko o na makahiki loihi. Nolaila, o ka hana i koe aia ma ko Walaka aoao, ke kakau ame ke kakau ole, a o ka Poakahi ae nei ka la

no ia hana. 1 No Kahiliaulani, ua ike ka lehulehu i kona hooikaika pauaho ole ana no ka pono o ka lahui a hoea iho la i konalanakila ana maluna o ka Papa Ola. A ke puana ae nei makou, he makana hiwahiwa ia i loaa mai no luna mai na Kahiliaulani, a he opuu momi makamae hoi na |ka lahui aloha.