Ka Naʻi Aupuni, Volume V, Number 20, 29 January 1908 — Ka Moknkaua Ea o Ene lani ma ka Lewa! [ARTICLE]

Ka Moknkaua Ea o Ene lani ma ka Lewa!

Ladana, Okotoba, 5 — Ua hoopihaia ae na puuwai o fea lahui Pelekane i ka hauoli i ko lakou ike ana i ka holopono o ka lele ana o ka mokukaua-lele Ea ma ka lewa. Ua hoomaka kona lele ana mai Farnboro aku i ka hora 11 o ke kakah^ka malalo o na hooponopono ana a Conela Capper, Mr. Codyame ame Lutanela Waterlow. Ua hoomaopopoia ua hiki aku ka moku-ea lele i Ladana i ka hora - 1 auina la aka, mamua ae o ke kani ana o ka hapalua o ka hora 12, aia lakou maluna o ke kuea Tarafalaga, e lele ana me ka mama nee o 25 mile i ka hora, e lele ana i ka hiki_ na, maluna ae o ke alanui Strand ame Eleet a huli maluna ae o ka puoa o ka luakini o St. Paulo, ma ke ala poai o ka pa lukini, alaila, huli hou i ke komohana me ka lele pololei ana imua o ka makani e pa mai ana mamua pono mai. Ua hoololi hou ia ae ke alahele o kona lele ana no ka Halealii Crystal, a i ka wa i hiki ai ua moku-ea nei maluna ae o ke kahua paani popo peku wawae, ua hoomaka mai la kona emi ana, oiai ua emi mai ka ikaika hoohana o ka aila, maa nei nei i halawai ai oia me ka makani ino a hoohuliia. He keu a ka maalahi o keia mau alahele iloko o na wiliau ana a ka makani, aohe mau poino i ikeia elike me na moku e Iuaiele ia ana e na ale kawahawaha o ka moana hohonu lipolipo.