Ka Naʻi Aupuni, Volume V, Number 25, 5 February 1908 — Pakele ke Ola mai Poino [ARTICLE]

Pakele ke Ola mai Poino

Kekaha, Kauai, Ianuari 3 — He hoomaamaa paikau kai malamaia e na keiki o ke Kekaha nei ma ka hora 5.30, oia o Hanare Naimu, ame Polani Kanakaole, ma kahi o Master Kanakaole; a ua komo pu mai ko laua mau kaikaina ma keia lealea ana a lakou, me hookahi pu e paa ana ma ka lima o Hanare Naimu, ī manao ole ia keia pu ki manu, ua piha i keia manawa a lakou ej)aani nei me ka lealea, a i ka wa hope loa o ka lakou paani ana, ua kau aku la o Hanare i ka pu a kani aku la, a ku aku la o Polani ma ka ka auwae, a ua lilo keia i mea hoehaeha iaia. Nui ke kaumaha o na makua ame ka ohana ma keia ulia. Ua lawe ia ka mea i poino no ka Haukapila ma Waimea, a eia ke lawelawe nei ke kauka iaia. Aole i maopopo ka loaa koke iaia 'o ka oluolu. He mau hana hoomaamaa paha keia a ko makou mau keiki no ko lakou lilo aku i mau koa no ka pualikoa hou o» Amerika. J. W. Kahaleau.