Ka Naʻi Aupuni, Volume V, Number 25, 5 February 1908 — Me na Pomaikai o ka Makahiki Hou! [ARTICLE]

Me na Pomaikai o ka Makahiki Hou!

Ka Moolelo Walohia ~»p? j4ainakolo K V UI PUA KA-MAK. V-HAL.\ 0 KA V AlLELE 0 HIILAWE MORUNA V [hoomauia.] Iaia nei hoi i anehe aku ai 3 kamailio, a e hoike aku hoi i ka haina no ka ninau a ua mau wahi kahu nei ona i ninau mai ai iaia, ia manawa i pane mai ai o Kaholoholokar "Auhea oe e ka maua moopuna, ke ike aku la maua i ka oiaio o kou manao, ame ka nui o kou aloha no maua, nolaila, ua oki, mai pane mai oe i hookahi olelo 'e hewa ai oe i ka mea nana ka olelo i haawi mai ia oe. A na maua no e hoike aku ia oe i ka mea oiaio. A oia keia, e hoolohe mai oe: "Aohe mea e ae i hoea iho nei i uka nei i kahi pupupu hale'nei o kakou, aka, o ka hanai alii no a maua, a kupuna wahine oiaio nohoi ou, e ka maua hanai e hoike aku nei ia oe rne ka maopopo. Eia ka, o ka manao nui ia o ua hanai nei a maua i kauoha mai ai ia maua e holo i ka lawai'a i keia wanaao lilo, i mea e hiki ai iaia ke pii mai i uka nei e hoomakakiu ai ia oe. Auhea oe, e ka maua luhi, ua ikeia oe e ko kupunawahine, a ua kuko oia, o oe ke kane e moe * ai I ninau aku nei maua ia oe a i hoole manawaino mai nei oe ia maua, alaila, ua aloh'a ole oe ia maua i kou mau kupuna. He mea oiaio, he mau kupuna maua nou, ma ke koko a ma ka iwi. Aohe wehena mawaena ou ame maua; a pela hoi me ko kupunawahine o Luukia. "Ae, i hai aku maua ia oe, e lawe ana ka hanai a maua ia oe i kane oe nana, a oia hoi kau wahine. Ua hiki no īa pio ana o ke kumu me ka welau. I kaulana hoi o Waipio nei ia ano, ka pio no o ke kaikunane i ke kaikuahine,ka niakuakana i ke kaikamahine, a o ke kupuna i ka moopuna. Aohe no he hewa oia, nokamea he ai kumu no ia mai na kupuna mai. I ko Leimakani lohe ana i keia mau olelo a na wahi kupunakane, kulou iho la kona poo ilalo, a liuliu, ea ae la oia iluna, nana aku la oia i na wahi kupuna ona a hiolo iho ' la na waimaka ma kona mau papalina, a pane aku Ia: "Auhea olua e o'u mau kupuna, hu mai la ka hoi ko'u aloha no olua i keia wa. Eia ka, e lilo ana ka olua luhi ana ia'u i mea ole. Aka, na ke au no nae hoi o ka manawa e hoike mai ia mea. O kekahi nohoi a'u e hoike aku ia olua, oia keia; he opiopio loa au, a he wahine kanaka makua maoli kela, ka hanai a olua. Heaha la ke kohu o ka pili ana o ka ouo hou me ka moa i hele a kuku pono ka kala." No keia mau olelo hooheno a ka moopuna i pane aku

ai imua o na wahi kupuna, ua kani iho la ka laua aka, a mahope pane mai la o Kaholoholouka i ka moopuna ma ka olelo ana mai: "He olelo ka kahiko, o ua ouo moa maikai, he ala no ke kai; o ka iki ulu mai keia nana e kaa ke kahua loa. Ua maopopo ia maua, ea, ua meo mai la no ko kupunawahine ia oe. Heaha la auanei hoi, ku ia aku i ka makemake o ko kupunawahine, o kou ku nohoi ia i ka moku o Waipio nei. Eia no ou mau kupuna kuakahi a kualua ke ola nei. O lakou no na'lii ame na Moi o keia aina. Ina paha lakou e lohe ana nou; o oe ke keiki a Hainakolo elike me ka maua e ike nei, alaila,e ku ana paha ka lakou makaia malu na o maua. A nolaila, mai hopohopo oe no kou moe moo puua aku no i ko kupunawahine, ka maua hanai. A mai hopohopo nohoi oe no maua, oiai, o kou ku ana i ka moku, oia no ko kakou ku like ana aku i ka nuu o ka hanohano. Na maua nohoi i hanai i ko kupunawahine a na maua nohoi i hanai ia oe, a he mau koko nohoi olua i pili loa i kekahi ame kekahi; aohe wehe ana mawaena o olua. Ia lakou nei no e kamailio ana, hoea ana kekahi elele mai kai mai. Na Luukia keia elele i hoouna mai, e kii mai i ka hanai a na wahi elemakule, na wahi kahu hanai hdi ona. Ku ana ua elele nei ma ka puka. Ia wa olelo aku la o Kaholoholokai: "Mai' ke alo mai la no oe o ka hanai a kakou?" Ae mai la nohoi ua wahi elele nei, me ka olelo ana mai: "I kii mai la au i ka hanai a olua. I kauoha mai nei ke aliiwahine e lawe aku au i ua hanai nei a olua! Alaila, huli mai la o Kaholoholokai a pane mai la i ka moopuna: "E Lopaikihelewale Q. o aku la nohoi ka moopuna me ka ninau ana aku: " Eeaha ia?" Pane mai la ua kupunakane nei, ma ka olelo ana mai nohoi: "Eia ke kii la ua hiki mai la. I kii maUla la oe e iho oe i kahi o ke aliiwahine o Luukia. Nolaila, e iho oe i ke kauoha a ke alii. ' Ae aku la no o Leimakani, a pane aku la i na Kupunakane: "Heaha la auanei hoi; he iho aku nohoi paha ko'u, elike me ke kii i hoea mai la imua o kakou." O ka manawa no ia o ua keiki nei, i hoomakaukau iho ai iaia. O kahi malo no a na kupunakane i malama ai. no ia nei, o ka ia nei no ia o ka hume ana ae. Aka, o ka mea kupanaha i ua malo nei, ua like loa ae la kona mau ano apau me ke anuenue e pipio ana a puni ko ia nei puha ka. Lalau aku la keia i kahi ahu kapa a na kupunakane ī malama ai no ia nei, a kau iho la ma ke kua. Eia nae, ua like no ua ahu kapa nei, me ka ua koko ke po'i pu maluna oia nei. O ka manawa no ia i olapa iho ai ka uwila, ku'i ka he kīli me ka ikaika, a o ka pio aku la no ia o kekahi anuenue mai ka hale aku o lakou nei a hoea i kahi i ku ai o ka. hale o Luukia. (no kahi wa aeu.)