Ka Naʻi Aupuni, Volume V, Number 26, 6 February 1908 — Me na Pomaikai o ka Makahiki Hou ! [ARTICLE]

Me na Pomaikai o ka Makahiki Hou !

Ka iMoolelo AValohia Hai^akolo KA UI PUA K.A-MAK.A-HALA. 0 KA V AlLELE 0 HlILAWK V MORUNA V - T~ - T ^ ^ "1'W* { . [hoomauia.] Ia wa haawi mai la o Kaholoholokai he peahi lau-niu i ka moopuna me ka hiolo nohoi o na waimaka ma kona mau papalina a pela nohoi ko Kaholoholouka mau waimaka e hiolo ana no ma kona mau papalina. Ua ike ku-maka aku la da mau wahi elemakule nei i ka ihiihi kapu hoano o ka moopuna a laua. Ua hele a pili pU ko laua hanu i ka ua mea o ka ilihia; a ua hu mai la nohoi ko laua aloha no ua moopuna nei a laua. A ma ia wa no kau mai la no ke ano ilihia maluna o laua no ka moopuna no Hainakolo. Oia okoa wale mai la no a puni la.ua ma na aoao apau. Ike aku la laua i ua moopuna nei, aole nohoi i kana mai ua mea he ui. A me ka hoomanawauui»' a pane aku la o Kaholoholouka i ua moopuna nei. "O ko iho keia e halawai me ke aliiwahine?" Ae aku la no o Leimakani Eia no ke olapa nei ka uwila, ke ku'i ne-i nakolokolo la nohoi ka hekili; ua hoi ka ua aia iluna o na kuahiwi, a na ka wai ula no e hula i kai o ka moana. Puka aku la ua keiki nei me kona nani, a i ka ike ana mai o kahi elele i hoouna ia mai ai mai kai, ua hina koke iho la oia no ka piha weliweli no nei kanaka a ka ui nui wale ana e ike nei. He mea hoi i ike mua ole ia e kona mau maka mai kona wa uuku mai a hoea ia manawa. I iea ike ana aku o Leimakani i ka elele a ke aliiwahine Luukia i hoouna mai ai e waiho mai ana iluna o ka lepo ia wa lele aku la oia a hapai ae la i ua kanaka nei iluna, me ka ninau ana iho hoi; "heaha iho nei keia ou?" pane ae la ua wahi kanaka nei ma ka olelo ae: "He keu paha ka mea a ke kupaianaha nui wale. Pakele ka hoi au mai makk. Ia ike ana aku nei no paha o'u ia oe i oili mai nei mai lokh mai o ka hale, me kou ihihi a kapu hoano nohoi apau; elike no me keia au e ku mai nei imua o'u, o ko'u ilihia iho nei no ia me ka haalulu nui, a o ko'u maule aku nei no ia. I ole oe e hapai ae nei ia'u, pakele au mai loko mai o keia make nui. Auhea oe, e ka hanai a Kaholoholouka ame Kaholoholokai, aole anei o Hainakolo kou makuahine? Alaila, akaaka iho la o Leimakani a ninau aku la i ua wahi kanaka nei: Heaha ke kumu o kou manao aua o Hainakolo ko'u luaul makuahine? He halia a he hauli wale no nei i kau mai la i ko u mau maka no ko'u ike ana aku nei i kou mau helehelena a

me kou mau hiohiona nohoi apau, ua like loa kou mau ano apau me ko ia aliiwahine o makou i hala i Kuaihelani. Aohe ona lilo mai ia oe aku; wahi a ua elele nei a Luukia i paue mai ai. Alaila, pane aku la nohoi o Leimakani: Auhea oe e ke kanaka o ke aliiwahlne, aole keia he manawa no kaua e kamailio ai no ka mea e pili a-na i ko'u mookuauhau. He wa okoa aku no ia. E auwae aina aku au mahope o kau huakai o ka hoea ana mai nei i uka nei o keia wahi. E hooikaika ae oe, a iho aku kaua, o kali loa mai ko alii. O kekahi nohoi, ke hae mai la ko'u puu i ka ono i ka poi uouo kaohi puu. E, auhea oe e ke alii, mamua oe, a mahope au; i pane mai ai ua wahi kanaka nei. Alaila, pane aku la o Leimakani: Ua hewa ia olelo au, e ke kanaka o kahi alii. Aole anei oe i hoomaopopo i ka olelo o kahi alii, he ihi kapu-Iani ke kua o Haloa, a no ia mea i kapu ai ke kua o na 'lii, aole e hele ia ae e ke kanaka; a ma ke alo no e hele ai? Pane mai la no ua wahi kanaka nei me ke pahaohao o kona noonoo: He keu ka hoi ka mea kamahao. He opiopio kou mau helehelena ame kou mau ano apau a'u e ike aku nei, eia nae he poeko a pololei kau mau oleio e hoopuka mai nei īmua o'u. Ua a'o wale ia īho nei paha oe e Kahaloholouka laua me Kaholoholokai a ike i na olelo apau o kahi 0 na 'lii. Aole anei pela? He keu no oe a kahi kanaka hoopaakiki nui Wale i ka noke mai i ke kamailio ia'u. E iho kaua, ke kali loa mai la ko a liiwahine, wahi a Leimakani i pane aku ai. O oe no mamua ka elele, a owau aku nei mahope Kanaka i makemakeiae na lii. E lilo hoi oe ea, i pili kuamoo no'u. A ina aole oe, e ae i keia manao o'u, alailaj o ka'u wale no e olelo aku ia oe, aole au e iho me oe i kai i keia la. A e hoi oe a hoike aku i ko aliiwahine, aole keia o ko'u la e iho aku ai e ike iaia elike me kona makemake, aka, i la okoa aku no ia. Hoomaka mai la ua wahi kanaka nei e mihi . i kona hewa a nui ae la nohoi kona waha i ka uwe no kona make 1 ka haku aliiwahne ona, ina e hoea aku ana oia imua o ua haku aliiwahe nei ona, me ka nele i kana mea i kii mai ai. Ia wa komo iho la ke aloha iloko ona, oia hoi, o Leima kani no na olelo a ua wahi kanaka nei , a ia wa olelo aku la oia i ua'wahi elele nei; oia, e iho kaua! A ike aku hoi i na maka o ua haku aliiwahine nei ou. A ia wa ua hoomakaukau iho la ua Leimakani nei. A hoeu aku la i kahi elele, oia i na kaua, o oe no mamua a owau aku nohoi mahope ou. O ka eleu ae la nohoi īa o ua wahi elele nei a iho aku la mamua, a mahope aku nohoi keia o ka ibo ana aku. aole i pau