Ka Naʻi Aupuni, Volume V, Number 27, 7 February 1908 — Me na Pomaikai o ka Makahiki Hou [ARTICLE]

Me na Pomaikai o ka Makahiki Hou

€ Jj[asiliona ke koa& — A ME — VLagaiiolia ka Ino ! »e Mooieio no k& Paaoial Hopo 0l» ame te kiooa *ei« MOKUNA IV Hoomauia. Ia manawa i hoike mai ai oia i ke kumu nui o kona kiiia ana mai e na kanaka o Sepania, oia hoi, e hoi oia i " Sepania no ka lilo ana i alakai nui no kekahi mahele o na mokukaua o iaaupuni e hoouna ia ana i Denemaka no ke kiai ana i na pono kalepa o Sepania malaila. •'He mea^oiaio kau i hoike mai la, e kuu hanau mua," wahi a Roderigo i pane mai ai ia'u, me ka hoomau ana mai nohoi i ke kamailio ana mai: "O ko kaua haalele like ana iho i ko kaua luaui makuakane ma ka wa hookahi, a hele aku oe ma kau huakai, a pela nohoi au ma ka'u huakai, he mea no ia no kaua e waha-a wale ia> mai ai e na kanaka no ko kaua aloha ole i ko kaua luaui makuakane. Aole nae o oe, oiai he keiki oe i noho i kona alo a hoea mai i kou wa i kaawale mai ai mai kana mau pulama ana mai, mamuli o kana hoouna ana īa oe i ka hale o ke Kauna Kadilaka. Eia paha owau, ke keiki i ike ole i kona mau maka no kekahi niau makahiki loihi loa i hala ae nei, a o ko'u la mua loa keia i ike ai i kona mau maka, a pela oia i ko'u mau helehelena. "Aka, e kuu hanau mua, i hoike aku au ia oe, o ka hana a'u, a kou pokii nei i koiia mai ai e hoi aku no kuu aina hookama, kahi hoi i loaa ai ia'u keia kulana a'u e aahu nei, ma ke ano he Kavalia no ua aina kaulana nei i na huhui waina ame na hua pomegarana o Korodovā, he hana pili ia i ke ola ame ka make o kekahi o na kanaka i haawi i kona ola no'u nei, kou pokii. Ma ka'u hoomaopopo ana, me he mea la he ninau koikoi no keia nau ame a'u e noo- • » noo ai. pane#.aku la au i ua kaikaina nei o'u: "O ko'u manao e hoike aku ia oe, a oia keia. E uhaele kaua imua o ka luaui makuakane o kaua, a imua ponoi ona e hoike aku ai oe i keia pilikia i hiki ole ia oe ke alo ae. Ua ae mai la ua kaikaina nei o'u i ka'u i olelo aku ai, a ia manawa i uhaele aku ai maua a ku ana imua o ke alo o ko maua makuakane, oiai nohoi ka maua mau wahine e - noho ana ma kela ame kela aoao o ua luaui nei o maua. I kona ike ana mai ia maua e uhaele like aku ana, ike aku la au ame Roderigo i ke kaikai ana ae o kona lima a ko-umalu ae la i kona mau maka, a naaa pono loa mai la oia ia maua, me he mea la ua ane hiki ole iaia ke hoomaopopo mai i ka mea o maua i kapaia o Masiliona a pela hoi o Roderigo.

A ku maua imua ona, he mea oiaio, ua ninau mai la oia ia maua. "Ea owai o olua ka'u e kahea ai ma ka inoa 0 Masiliona; a owai hoi ma ka inoa o Roderigo; oiai, ua like loa ko olua mau helehelena e ku mai nei imua o'u, a ua hiki ole hoi ia'u, i ka makua, ke ike ia Masiliqna . mai? Ua pololei ka ua makuakane nei o maua i pane mai ai, a i ninau mai ai nohoi. No ka elemakule elike me kona ke ano, a no ka malihini ana hoi o ko Roderigo mau helehelena kulike loa me ko'u imua o kona alo, ua hiki ole iaia ke alo ae i ka hoopohihiia ana o kana ljoomaopopo ana. A hoaa wale ka hoi ke kamaaina i kekahi wa i nei mea he mahoe, oki loa aku hoi ua hiaui nei o maua, ka mea i ike ia Roderigo ma ia la. No keia ninau a ua makuakane nei o maua i niuau mai ai, ua pane aku la au: "E ko maua papa aloha, o ka mea e kamailio aku nei — ! Ua pane mai la ua elemakule nei a me ke kau ana mai o kona lima imua o'u a olelo mai la oia: "O ko Masiliona leo keia a'u e lohe aku nei, aka, ma na helehelena nae, ua like loa no ia me ko Roderiko. Nolaila, i keia wa, akahi no au a hoomaopopo o oe e kamailio mai nei, o kuu Masiliona no ia, ka hua hoi o ko'u puhaka 1 noho imua o ko'u alo a hiki mai i keia a; a o ka mea e ku mai la ma kou aoao hema, o kou pokii no ia, o kuu Roderiko hoi; ka mea i hanau hou ia mai i keia la o ke au o ka manawa i ku iluna o ka pomaikai. Nolaila, e au mau keiki, he manao nui ko o!ua i hoea mai la i keia wa imua o ko olua makuakane. Heaha ia manao, e a'u mau keiki? Ina ua hea ia mai olua e haawi aku i ka olua mau kokua ana i ka mea nawaliwali ame ka popilikia; a i ole, ua kahea ia mai paha olua e haawi aku i ka olua mau hooikaika ana ma ka aoao o ka pono e kue ana i ka pono ole, alaila, e lohe mai olua i ka leo o ko olua makuakane, oia hoi e hele aku no ia mau hana pono, a mai nana mai i kahi pono lepo elike me ko olua makuakane nei, oiai he mau la wale no koe a ho'i aku oia i ka4 opu o ka honua. Ua hala ko'u mau la, a he mea ole ia imua o ko ka lehulehu mau pono. Noiaila, e hele aku olua, e a'u mau keiki no ka hoopakele ana i ka poe pilikia." No keia mau olelo i puka mai ko maua iuaui makuakane mai ua huli aku !a au a nana aku la ia Roderiko, a pela nohoi oia ia'u. Ua hoopiha loa ia ko maua mau noonoo i ke kahaha ame ka haohao nui no keia mau olelo a ko maua luaui. Ua haawi mai la oia maīoko' o ia mau olelo i ka pane e hoopau ana i ko maua mau pohihihi e pili ana i ko maua haaīele ana iaia a hele aku maua ma ka maua mau huakai pakahi i kono ia ai maua e hele aku. Owau no Helene; a o Roderiko hoi no Sepania, ka aina ana i haa lele aku ai. Ke nana mai ua luauai makuakane nei o maua maluna o kela ame keia pakahi o maua, oiai hoi ka maua mau wahine e kiola 'mai ana i ko !aua mau maka me ke kuoo o ko laua mau helehelena, me he mea la e hoohuoi ana ko laua naau no ka hana nui a maua ka laua mau kane o ka hoea ana aku imua o ko laua makuahonowai-kane. • .