Ka Naʻi Aupuni, Volume V, Number 27, 7 February 1908 — NA PALAPALA AELIKE ELUA. Ka Aelike a ka Papa Qla ame ka Walaka i Kakauinoa ai. ai. [ARTICLE]

NA PALAPALA AELIKE ELUA. Ka Aelike a ka Papa Qla ame ka Walaka i Kakauinoa ai. ai.

Ma ko makou pepa o keia la e ike ai ka lehulehu i ka aelike mua a Mr. Wallaeh i olelo ai, oia kana aelike i kakauinoa ai, a pela hoi ka aelike a ka Peresidena i hoouna mai ai i ka lunahoomalu o ke Komite Umi, ma ke ano oia ka aelike e holo loa ai na lawelawe lapaau ma'i lepera ana a Mr. Wallaeh, oia hoi ka aelike i kakauinoaia ai e Mr. Walaka ma kona aoao iho, ame L. E. Pinkham, ma ka aoao o ka Papa Ola. Ua like loa ka hapanui o na pauku a pau o keia mau aelike elua; a, aia ma ka Pauku 2, o ka aelike i makemakeia ai o Mr. Walaka e kakauinoa, a pela hoi ka Pauku 2 o ka Walaka aelike i kakauinoa ai, oia ka aelike mua i hooponoponoia ai e Kahiliaulani a i kakooia hoi e na lala e ae apau o ke Komite Umi, kahi mea like ole. Ma ke kulana aelike mua e ae ia e loaa ia Mr. Walaka kekahi Kl o ka puka pa o waho loa; ma ka aelike. a ka Papa Ola i makaukau ai no ke kakauinoa ana o ka Peresidena ina i ae o Mr. Walaka i hookahi no Kl oia puka, e paa ia e ka agena o ka Papa Ola; aka, e hoolako nae ka Papa Ola, he mau pihi uwila kaomi maloko mai a inawaho aku nei o ua puka pa la, e hiki ai ia Walaka ke hookani maloko mai a mawaho aku nei hoi i na wa apau ana e makemake ai. A no ko Kahiliaulani koi ana ia Mr. Walaka e kakauinoa i kela olelo aelike i komo ai kela kulana hemo i waho a komo iloko o ka pa Haukapila, i ole ai hoi e poho ka manaolana o ka lahui no ka hoola ana a Mr. Walaka i ka ma'i lepera, i oleloia ai oia ame kona mau hoa komite he poe kumakaia ia Mr. Walaka. E hoakakaia ana keia mau mea apau ma ka Halawai Makaainana e malamaia ana ma Aala Paka i ke ahiahi o ka la apopo ke ole e loaa na kuia.