Ka Naʻi Aupuni, Volume V, Number 32, 14 February 1908 — HOIKE A KE KOMIĪE HUIIA. [ARTICLE]

HOIKE A KE KOMIĪE HUIIA.

■ ■ ■ « E heluhelu pono e ko makou mau makamaka i na Ae like a makou i hoolaha aku ai, i mea e hiki ai ia oukou ke hoomaopopo i na kulana like ole ame ka manao maikai ma waena o ka Papa Ola ame na Komite Umi ma jca ' aoao o ka lahui, a pela auanei e hilihewa ole ai na manao. Ua !oaa pu mai nohoi me na palapala pane a na Komite Ehiku o Kalaupapa, e hoike mai ana no ka panina o ka lakou mau hana o ka hooikaika ana. Ua poho ka manaolana, mamuli o ka hoole ana o "Walaka aloha ole, aole e kakauinoa i ka aelike. Aohe mea ehaeha e ae a walania o ka puuwai, elike me na olelo pilihua a mokumokuahua a na Komite Ehiku ma ka lakou palapala i ka Papa Ola e olelo ana, "o ka ma naolana a makou i hoomoamoa ai, pela iho la i hoomakeia ai." Aloha ino. KA PALAPALA PANE A WILLIAM NOTLEY, LUNAHOOMALU O KE KOMITE EHIKU IA MR. PINKHAM. Kalaupapa, Molokai, February 7, 1908. L. E. PINKHAM, Peresidena o ka Papa Ola, Honolulu, Uahu. Aloha oe: — Uā. loaa ia'u ka hanohano 0 ka hooia ana'ku i ka loaa ana mai o kau palapala o ka la 4 iho nei, Helu B. 711. Ma ka !a G aei, ua kaheaia he halawai o ke Komite Ehiku a ua waihoia aku kau palapala no ka noonooia ana. E ae mai ia'u e hoike aku, ke pahola akh nei na hoa o ke Kouiite Ehiku i ka lakou mau hoomaikai oiaio loa ana i na Hoa Hanohano o ka Papa Ola, no na lokomaikai i paholaia mai ia lakou ame na poe noi he 527. Ua hoike ae kela ame keia hoa 0 ke komite i ko lakou minanaina i ka hoomaopopo ana, 0 ka manaolana i hoomoamoaia iloko o makou ame na poe noi 527, pela iho la i hoomakeia ai. Ua ike ke Komite o Ehiku, aohe a lakou mea hou aku i koe e hana ai, a ua pau lakou. » Kou Haahaa. (Kakauinoaia) WILLIAM NOTLEY, ™ Lunahoomalu, Komite o Ehiku.