Ka Naʻi Aupuni, Volume V, Number 33, 17 February 1908 — Masiliona ke Koa -A ME- Magnolia ka Ipo! [?] MOKUNA IV. [HOOMAUIA] [ARTICLE]

Masiliona ke Koa -A ME- Magnolia ka Ipo! [?] MOKUNA IV. [HOOMAUIA]

Ia wa ninau aku Ia au i ua kanaka Helene nei me ke ano hoopohala o ko'u noonoo, me he mea la e nune ana au iloko iho o u, ua ano opulepuleia ka paha ua hoaloha nei o makou. Pehea oe i manao ai e hiki ana ia kakou ke Iawe pio i nei moku e nee mai nei me kona ikaika apau mahope mai o kakou, me ka eha ole o ko kakou ili?" EuKe me ka hiki la oe ke ahele i ka manu i ka pouli me ka nui ole o kau hana, pela ka hiki ana ia kakou ke ahde i keia moku e nee mai, nei me ka maalahi loa," wahi a ua kanaka nei i pane mai ai, me ka hoomau ana mai nohoi i ka olelo aaa': "O ka hana nui wale no, o ia ko kakou eleu loa ana ma ka hopuhopu ana i na kanaka o luna o kela moku a apau i ka paa ia kakou iloko o elua hora; nokamea, ke hala īa manawa aole loa e hiki īa'u ke hoomlu aku i ka pouli maluna o keia mahele o ke Kaiwaenahonua nei. E ku oukou me ka makaukau, e lilo ia'u ke ku ana o ta hoe o ko kakou moku, a na'u e hookele aku oia ma kahi a'u e makemake ai." I kela manawa i manaoio loa iho ai au, ua ano pupule maoli ia ua hoaloha Helene nei o makou; aka, aole nae e hiki ia'u ke hoike.aku ia manao ano e i ulu mai iloko o'u imua o ua kanaka'la. Ua huli ae Ia au a hoike aku la i na mea apau a ua kanaka Helene nei i kamailio mai ai ia'u ma ka ka olelo Earani, a oiaio hoi, aohe Iohe o ke Kapena 0 ka moku ia olelo, a ma ka olelo Italia au i kamailio aku ai iaia. I ka lohe pono ana o ua Kapena nei i ka'u mau olelo 1 hoike aku ai imua ona, ua aka iho la oia ma ke ano pahe nehene. Ia wa nae, olelo aku la au iaia: E ae mai oe i keia manao o nei hoaloha o'u. Ua ike nohoi au me ko'u maka i kekahi o kana hana kupaia - naha loa. Aole nae hoi i like me keia, oiai he hana ano mana maoli keia ana i hoike mai nei ia'u, oia hoi kona hoolilo ana i ke ao i poeleele. No kou makemake, e ka Naita, ke ae aku nei au, e haawi aku i ka mana hookele i ka hoaloha," wahi a ke Kapena i pane mai ai ia'u Ia wa huli ae la au a kamailio aku Ia i ke kanaka Helene a u e manao loa nei ia manawa ua pupule a hehena maoli ia oia: E ke kanaka kupaianaha ua ae mai nei ke kapena n°na nei moku e lilo malalo ou na hookele ana aku o keia moku. Nolaila, ma keia ano, eia ke ola o na poe apau o luna o keia moku malalo ou, a pela pu hoi me ka palekana o keia hale-lana o kakou iloko o kou mau Iima. Oiai oe e ' noho hookele ana i keia moku, e haawi aku aua makou i ka makou hoolohe ana i kau mau kauoha." Ike aku la au i ka olino ana ae o na hiohiona o ka hauoli ma kona mau helehelena, kunou mai Ia oia, a pane mai Ia nohoi ia wa hookahi no ma ka olelo ana mai: "E hoikeia ana ke auhee ana o na manao kanalua apau o ko'u mau hoaloha ma ka wa pono. Aole au e hoa hewa aku ī ke homohia ana o ka manao kuihe iloko o ko oukou mau houpo no na olelo au i hoike aku nei, a pela h°i me ka hana ano nui a kamahao a'u e lawelawe aku ai, oiai he mau mea ia i kaa loa aku mawaho o ka noeau o na kanaka Farani ame na kanaka Italia, koe wale no na mamo a kimeda, ke pookela loa o na kanaka Helene ma ka oihana akeakamai o na mea i ikeia. Ke kanaka hookahi hoi o

ke ao nei i kona mau la i a'a me ka hopo ole e kaupaona i ke kaumaha o ka honua nei me ka puniu o kona poo." I O keia mau olelo apau a ua kanaka Helene r.ei i heike mai ai ia'u ame ko'u mau hoa e ku pu ana. he mau ole lo wale no ia i hiki ole ia'u ke manaoio. Aka, me ka eleu loa holo aku la ua kanaka Helene iiei a ku iho la ma kahi a ke kanaka ku hoe e ku ana. Ike aku la makou i kona nana pono ana aku i ua kanaka kuhoe nei a liuliu pane aku la oia i kekahi mau huaolelo rr.a ka olelo Helene, a o ko'u manawa hoi ia i ninau koke ae ai i ke kapena o ka moku, ina paha he kanaka Helene ke kanaka e ku ana i ka hoe ia wa. Ja pane mai la ua kapena nei, he kanaka malihini loa . kela ia'u. O kona wahi i loaa ai ia'u a kau mai nei oia i ma nei o ka moku, ma ke kulanakauhale no ia o Roma . ■Ja hoolauna ia mai oia ia'u e kekahi o ko'u mau hoaloha ma ke ano he kanaka holomoana akamai loa oia no ke Kai waenahonua nei. He oiaio, ua ike like ae la nohoi kakou i kona makaukau i keia hele ana mai Ia o kakou. Aole au * ī maopopo iki, he kanaka Helene kela. A pehea Ia i mao- || popo aku la ia mea ia oe?" O ko'u manawa ia i pane aku ai i ua Kapena nei, a ' hoa Naita hoi o'u ma ka olelo ana aku iaia: Mamuli o ke ano o ka olelo a ka hoaloha kupaianaha 0 kakou i kamailio aku la imua o kela kanaka e ku mai 1 a 1 ka hoe, a pela hoi kona pane ana mai ma ia olelo hookahi no."