Ka Naʻi Aupuni, Volume V, Number 33, 17 February 1908 — Hoole o J. Lor Wallaeh i ka Oiaio . [ARTICLE]

Hoole o J. Lor Wallaeh i ka Oiaio .

Ma, ka nupepa Avalataisa o ke kakahiaka La Pule nei i ike iho ai makou i kekahi palapala i kakauinoa ia e Walaka ma ka halepaahao o Kawa, a i hoolahaia ae e ke kahi mea okoa malalo no oia inoa maloko o ua nupepa la. E hoole ana o Walaka i ka loaa ana o kana laau kaulana hoola lepera i kana mau kumu kauka ole wale, oia hoi, kona mau poo oihana. Ua hoao ikaika no paha laua e kaili aku i keia laau waiwai nui, a e huli hoi i na mea i loaa ai maloko oia laau, aka, aole loa o Walaka i hoohemahema wale ma ka makaala ana i ole ai e hao wale ia kona pono e kona mau hoaloha hou. Ua olelo pu ia ae nohoi, he hookahi wale no mea nana e hooiaio i ka loaa ana o kana laau elike me na olelo haanui wale e puhi makani īa nei no ka alaume ana i na hunahuna dala o ka lahui ilihune, oia ka lawe ana mai i kekahi mea ma'i i kauia e na alina o ka lepera a i puka hoi o lalo o kona mau wawae, a lapaau aku a ola elike me kana i hana ai. Aole hoi o ka lawe ana mai i na ma'i i pau mua i ke ola ia Walaka, a oia na ma'i e kapilipili iho ai no ke ola ia lakou. He mau hana alunu wale no ia i