Ka Naʻi Aupuni, Volume V, Number 39, 25 February 1908 — Ko Kakou Moolelo Hawaii. [ARTICLE]

Ko Kakou Moolelo Hawaii.

Ma ko makou pepa o ka pule i hala, e ike ai ka poe heluhelu i ka makou hoakaka e pili ana i ko kakou Moolelo Hawaii e huli nui ia nei e na poe naauao. O keia na moolelo waiwai nui e pa'iia ai maloko o na buke, a nupepa paha, a pela nohoi me na mea e hoonaauao ai i ka lahui, aole o na moolelo kaao waiwai ole lele ī ka lewa, he mau mea wale no ia e hoohupo ana i ka hanauna hou. He nui maoli na poe kahiko o kakou, o na buke moolelo kupua ka lakou e hoopapau ai, a ma na mea kalaiaina imi waiwai e hoonaauao ai, he hemahema loa. Aole o niakou manao, he hana pono na makou ke a'o ana i ka lahui ma ia mau mea hoonanea, a kapae i na manao kalaiaina waiwai nui. He hana hao wale ia. No keia kumu e mau nei ka aiupepa Na'i Aupuni, i loaa na moolelo me na manao waiwai pu