Ka Naʻi Aupuni, Volume V, Number 39, 25 February 1908 — Na Aumokukaua AMERIKA O KA Moana Pakipika! [ARTICLE]

Na Aumokukaua AMERIKA O KA Moana Pakipika!

Wasinetona, Feberuari 25 — Ua hoike ae o Kuhina Met calf, e ku ae ana ma ke kulnakauhale o Kapalakiko, ke aumokukaua Amerika, mamua ae o ka la 15 o Mei ae nei. He huakai aumoana loihi keia a ua mau ilio hae 'la o ke aupuni manu aeto o Amerika Huipuia. Ma na wahi apau a ua mau, aumoku kaua 'la i kipa aku ai, ua nui na hooki- | pa ohaoha i paholo ia mai i na aliimoku ame na sela me na hooohiwahiwa like ole. Ma kekahi ma.u wahi, ua hoolele ia aku na kanaka o luna o na moku no ka aina, no ka hoomaha ana no kekahi mau la okoa no ka hoolele ana i ka mauluulu o ko lakou mau kino ame na wawae. (Ua manao wale ia, ina e kipa mai ana keia mau aumoku no Honolulu nei, a iloko o 3 la wale no e noho paa ai, ua lilo loa i mau me^ ole na wahi hale kuai mea ai o kakou. O ka nui mai auanei kela a ka'e mai.)