Ka Naʻi Aupuni, Volume V, Number 40, 26 February 1908 — Masiliona ke Koa -A ME- Magnolia ka Ipo! [?] MOKUNA IV. [HOOMAUIA] [ARTICLE]

Masiliona ke Koa -A ME- Magnolia ka Ipo! [?] MOKUNA IV. [HOOMAUIA]

O ka'u e kauoha nei ia oukou, mai keia la aku e lilo kela ame keia pakahi o oukou i poe kiu. A i kela ame keia kakahiaka o kela ame keia la, e akoakoa ai kakou ma keia wahi a hoike pakahi mai oukou i na mea apau i ikeia e oukou i ka po mamua iho. Ina paha he manao ohumu, ina paha he hakaka lua, ina paha he hana i hoalaia ae ai kekahi hana e komo iho ai ka hoohuoi kupono iloko o ka naau o ka mea i ike ma ke ano, he hana ia aole no ka pono o ko kakou aoao. E hooneeia na lawelaweia ana o keia hana iloko o na la eono mai keia la aku. Ua hooholoia ae la keia manao e makou apau. A i ka pau ana o keia mau kuka ana, ia wa i hookuu aku ai au i ua pt>e hoa nei o'u. Ua maopopo ae Ia no ka hana a kela ame keia pakahi o makou. He oiaio nae, ua īke au 1 na hana a ua poe hoa nei o'u e hana aku ai. I ko lakou hoi ana aku, ia wa i komo aku ar au i ko Maganolia keena, a hoike aku la au iaia i na mea i hoohol°ia 6 makou. . Aole hoi au i hoike aku iaia i ka mea huna iloko o ko'u naau, ua waiho iho no au ia mea iloko o'u. Ua hoike mai la hoi o Maganolia i kona manao ma ka olelo ana mai: E kuu aloha, he mau malihini kaua no keia aina. Aole loa kaua i ike i na kuono ame na wahi kipoopoo huna o keia aina. Aole kaua i ike i ke alahele a na enemi e hoonee mai ana maluna o kaua. Aole kaua i ike i ko lakou heluna nui, a aole nohoi kaua i ike i ko lakou makaukau a me ka uuku o ko Iakou ikaika. Nolaila, eia oe e kuu aloha ke naku nei iloko o ka pouli naaupo ame ka poeleele. A o ka'u e a'o aku nei ia oe e kuu aloha, e akahele loa oe i ka lawelawe ana i keia hana. E hilinai aku maluna o ke Akua Hemolele o na poe Karistiano, a e palekana no oe. Aole au i hoopuka aku i kekahi huaolelo no keia mau olelo ao a ka'u wahine, aka, ua ku ae la au iluna a hoi aku la no ke keena hookipa no ke kali ana i ka hoea mai o ke kauoha mai ka moi mai. Ia u e kali ana no ka hoea mai o kekahi kauoha maī ka Moi mai, he oiaio ua hoea io mai la ke kauoha ia'u e hele aku au i ka halealii. I ko'u hiki ana aku, aia hoi, ua piha ku'i o loko o ka halealii i na Naita i kahikoia me ko lakou mau aahu kila nani loa. Ke ike aku la au mawaena o lakou i kekahi mau naita lawakua o ko lakou mau kino a kulana oolea maoli nohoi me ka hiehie. E hoike mai ana ko lakou mau ano apau, he poe koa oiaio lakou no ke kahua kaua. Ia'u i komo aku ai, ua huli mai la keia poe naita a kiola mai aluna o'u i ka lakou nana ana ma'i. Ke ike aku la au i na hiohiona kakawa- u na q kekahi poe naita Helene, me he mea la no e hoepohala mai ana no ko lakou manao no ko'u kulana opiopio. Aole hoi o na kanaka Helene i hoike mua mai i ko lakou paulele ana maluna o'u i l^a la mamua iho, ua hele mai )a no lakou a huipu nie a'u, a haawi mai la nohoi i ka lakou u.au hoomaikai ana. I keia wa i peahi mai ai ka moi e hele aku au a noho ma kekahi noho e ku ana ma ke anuu mua loa e loaa aku : M kl U • ■■■■• ■ ■■< ■ ■ 'ih : , j-i

ai kahi a ua Moi nei e noho ana. A o ka wa ia a ua Moi nei i ku ae ai, iluna a hoike mai la imua o ke anaina i ka % ana mai: E na kiai o ka Nohoalii ame ka lahui oiaio o Helene^ ka poe hoi i hoolauna mua ole ia me ke keiki alii Masiliona, ka mea a ka nohoalli i hoolilo aku ai i alihikaua nui no ke pale ana i ke kuokoa o ke aupuni ame ka palekana hoi o ka nohoalii. Nolaila, e lohe ana kakou i kona mau manao hoakaka imua o ka nohoalii ame na alakai a kiai hoi o ka lahui. Kunou mai la ua Moi nei ia'u, me he mea la e hoomaopopo mai ana oia ia'u, o ko'u manawa ia e kamailio ai, ia wa au i ku ae ai iluna, haawi aku la au i ka'u kunou hoomaikai ana i ka moi, alaila, huli ae Ia au a haawi aku la nohoi i ko'u aloha i na naita e nonoho mai ana imua o'u. Ke ike aku la au ia wa ma na helehelena o kekahi poe naita, me he mea Ia he mau noonoo hoopohala kekahi e hoopue ana iloko o lakou no'u nei. A ke ike pu la au ia wa, aohe a'u hana pono e ae hana ai ia wa, aka o ka hoike wale aku no imua o ka poe i komohia na manao kanalua iloko o lakou, ina e hiki i kekahi mea hookahi ke kuhikuhi mai ia'u i ke kanaka mawaena o lakou i hiki ke kaili aku i ka'u pahikaua mai loko aku o ko'u poho lima ma ia la a ma kahi wa e ae paha, alaila, e waiho no au i ko'u kulana alihikaua nui no na poe puuwāi o ke koa ame ka wiwo ole o Helene nei, a hoi aku au ma ke alahele malihmi i au mai . . ai 1 na ale apiipii o ke Kaiwaenahonua me ka'u wahine ame ko'u mau hoaloha.