Ka Naʻi Aupuni, Volume V, Number 41, 27 February 1908 — NA RULA HOOKEONIMANA Ke Kamailio ana Hoko o na Anaina. [ARTICLE]

NA RULA HOOKEONIMANA Ke Kamailio ana Hoko o na Anaina.

O ke kamailio ana maloko o na anaina nui, oia kekahi o na haawina e loaa ai i.ke kanaka ka mahalo ia o kona kulana. He oiaio, ke loaa i ke kanaka na rula o ke kamailio ana, ua komo oia iloko o ka poai o ka nohona maemae a launa hoi me ko na mau hoaloha. 0 keia malalo iho kekahi mau kuhikuhi e loaa ai i ke kanaka, a e loaa no iaia na apo ana mai a na hoaloha ame na Ahahui i kuknluia no keia oihana. O ka manawa maa mau i ke kipa ana ma na anaina iloko o na Okana aina Hi kina o Amerika, ua hookaawale ia na hora mawaena o ka hora 11 kakahiaka a hiki i ka hora 3 auina la; a ma na Qkana Aina Hema hoi, mawaena o ka hora 9 a hiki i ka hora 12 awakea. I ka wa e kipa ai o kekahi i ka hale o kona hoaloha no ka ike ana aku iaia, he iwakalua minute ka loihi o ko laua launa ana, a aole e oi aku mamua o ka hapalua hora. O ke kanaka e noho wale aku ana no a oi mamua' o ia mana^wa, he hana rula ole īa, a he molowa ka hopena o kona hoaloha i ka noho aku. Ina he mau hana e ae ka olua e noho ana a lawelawe, he inea okoa ia, alaila, ua hiki ke noho a pau pono ka olua hana, alaila, ku ■ koke ae a hoi aku no kou home. 0 ke kamailiq ana o ke kanaka nona iho a alako mai oia i ka inoa o kekahi poe kīekie e ae i kumu e ike koke ja ai oia ma ke kulana like me lakou, he hana hewa loa ia a kupono ole hoi

i-ke kulana. o ke keonimana e kamailio ana. 0 kona kamailio ana nona iho a waiho aku na ka lehulehu e kilo aku iaia, ua ahona ia mamua o koua pai ana iaia iho. Mai kamailio i ka olelo Farani ame kekahi mau olelo e ae oiai oe iloko o ka rumi hookipa nui e launa ana me na hoaloha, Ina he mau lawena olelo kau i lawe ai mai loko mai o kekahi mau hana e ae, alaila. e hai aiua aku i ke anaina ame kou unuhi pu ana aku i ka olelo ponoi no ia olelo ano e, i ole ai oe e manao ia mai, ua makemake wale no oe e hoikeike aku i kou akamai ma ia mau mea. Mai kamailio i ka wa e kamailio ana o kekahi, aka, e ka.i malie a hiki i ka wa e pau ai o kana kamailio ana, alaila, e kamailio aku oe. Ina i kahi wa ua makemake oe e kamailio i ka wa e kamailio ana o kekahi, alaila, e noi aku me na olelo e kala mai iaoe no kekahi mau huaolelo pokole, alaila, kamailio aku oe iloko oia manawa. a pau kau, hoomau aku ka mea e kamaīlio mua'ana. He mea maikai ole ke ku pinepine ana o kekahi kanaka a hana elike me keia. Mai walaau wale oiai oe e noho ana iloko o nā Ahahui, na haipule a me na wahi hoikeike. , Mai kamailio i na mea i pau i ke kamailio mua ia, oiai oe me na noaloha a ma»kekahi wahi e ae. Mai noho mumule ina o oe kekahi iloko o ke anaina. E j mailio ma ka mea au i manao ai he pono a he pololei, aka, ua I olelo ia i kahi wa, — ua ahona ka poe noho malie a mumule,Jmamua o ke kanaka walaau hi-o-Mai kamaiiio aku i kekahi kanaka, e hai hou mai i kana mau olelo i kamailio mua m^i ai, ina aole oe i lohe; no ka mea. 0 kou ninau hou ana aku iaia, he mau hoailona ia, aole oe k hoolohe i kana mau olelo niuai kinohi. Ina ua lohe pono ole' oe mamuli paha o kekahi walaau iloko oia manawa, e pane aku 1 ke keonima: ''E kala mai ia'u, — e hai hou mai i kau mea i kamailio mua mai nei."