Ka Naʻi Aupuni, Volume V, Number 48, 9 March 1908 — Nui na Pioloke. [ARTICLE]

Nui na Pioloke.

Iloko no o keia mau la e pioo nei na kanaka no na hana hookae ili e lawelawe ia mai nei e na kauahua, ua hoopioloke hou ia ae la ka lehulehu i ka ' papuhea ana ae o ka Iono no ka lawelawe koke mai o ke aupuni i ka mana o ke kanawai i na poe apau he mau apana aina ko lakou e pili ana me na alanui hele o ka lehulehu, e hoomaemae koi

ke lakou i na alahele aoao, a e hana hoi i na puna kameki paakiki ma na wahi i kauohaia e ke kanawai. O ka mea e kue ana i keia, he $300 kona hoopai ke kau ke ahewa a ka Aha maluna ona. O na Pake ame na kanaka Hawaii nae he mau aina ko lakou na poe uluku loa o na noonoo no keia mau lono.