Ka Naʻi Aupuni, Volume V, Number 52, 13 March 1908 — Heaha Aku Koe? [ARTICLE]

Heaha Aku Koe?

Ua ike iho makou i ka pane naauao a pololei a ka makamaka ma ke Kuokoa o ka Poalima i hala e pili ana i ka wahine kauka; ua kulike loa ia me ka makou, e hiki ole ai i ka wili wahine ke hoole. Aole o makou makemake paio i na wahihine, aka, he mea hiki ole ia ma kou ke alo ae ma ke ku pale ana aku no na makamaka ame ka lahui mai ka puni wale aha i na hana imi aala maalea a kekahi poe, i mea no Iakou e poino ai. Ke haawi nei makou i ka mahalo i ka ma|camaka no kona hoike ana i ka mea oiaio Imua o ka lahui. Ua lohe ponoi no makou i ke kukala ana o ka wili wahine e kohoia i poe komite ohi no na lulu kokua ma Aala Paka, a ua hoea ae ma ka Palama kahi poe i maopopo ole i kahi mau la i hala, a noi aku la no ke kakau inoa ana, a a'o pu aku la no ka lulu kokua. E. makaala ka lahui i na hana o keia ano. Aole no ka poe i manaoia no ia hana, aka, no na poe kolohe okoa loa mawaho mai.