Ka Naʻi Aupuni, Volume V, Number 53, 16 March 1908 — Masiliona ke Koa — A ME — Maganoila ka 100 ! mogieio no Ka Pauiaai hopo [?] [?] [?] [?] [?] MOKUNA IV [ARTICLE]

Masiliona ke Koa — A ME — Maganoila ka 100 ! mogieio no Ka Pauiaai hopo [?] [?] [?] [?] [?] MOKUNA IV

Aka, i hai aku nae au ia oe, e hoolana i ka manao, oiai; ma ka'u ike ma ko'u ano he-kahuna no na akua 0 He Ione nei, aia he malamalama uuku ke pualena mai la ma ka hikina nou. He mea keia i ike mua ole ia e a'u i na wa i kaa hope ae nei ma ka'u oihana i na manawa hoi apau i loaa ai ia'u na kanaka elike me kou ke ano a'u e lawelawe nei ia oe. "A ma keia wahi, e ninau aku au ia oe i kekahi mau ninau, a e pane mai hoi oe ia'u me ka pololei loa ame ka oiaio loa hoi. A oia keia: "Aole anei o Masiliona de Masana kou inoa?" Ua ae aku la au i ua kanaka nei, me ka hooia ana aku hoi iaia, o ko'u inoa oiaio no ia. Alaila, ninau hou mai la no oia ia'u: "Aole anei 0 oe ke kanaka nana i hoopakele i ke ola o kekahi kanaka Helene i hoike aku i kona manao maopo po ia oe no hona kue ana i ke kanaka haakei e noho nei maluna o ka nohoalii o Helene nei?" Ae aku la no au iaia, a hooia aku la nohoi imua ona, °wau io no ka mea i hoopakele i ke ola 0 kekahi kanaka Helene i hoike mai ai i kona hoowahawaha i ka Moi o Helene e noho ana ma ka nohoalii ia wa, mahope iho o kona pohala ana ae mai ka pilikia a kona kokoolua i kau mai al maluna ona. Ia wa pane mai la ua kahuaa Helene nei: "E ka ma kamaka, na keia hana i lawelaweia ai e oe i hookahuli ano e loa i na hoike ana a na akua ia'u nei no ka mea e pili ana ia oe, a e olelo aku ana au ia oe, he kanaka pomaikai oe, he ulia mau nae i na poino. Aka, pehea la ko na akua hooponopono ana mai i kou wa e laweia aku ai mai keia wahi aku a hoea i kou wahi e waihoia aku ai no kou hoopaiia ana, a pela hoi ma ia manawa mahope aku, aole au i ike. Ina e mau ka maikai o na ouli a'u e ike nei a hoea mai ia wa, alaila, e Ioaa ana ia oe he pakele kupaianaha ana; aka, ina e ioli ana na ouli pomaikai a'u e ike nei, alaila, e kau mai ana no ka poino maluna ou. Nolaila, eia ka'u mea i koe e hai aku ai ia oe. E paluluia ana hoi kou mau maka ma kou wa e laweia aku ai no ua wahi la, i ole ai oe e ike i ke alahele e laweia aku 'ai oe. Aloha oe." Ia wa i anehe ae ai ua kanaka nei e ku iluna, a oia ko'u manawa i ninau aku ai i ua kahuna Helene nei: "E kiolaia aku ana anei au iloko 0 ka Iua i hoopaaia ai na holo holona ahiu, kahi e haehaeia ae ai ko'u kino a lilo i mea Iii lii loa; a i mea ai hoi na ua mau holoholona ahiu la, a i ole, iloko anei 0 ka imu ahi e hooleiia aku ai ko'u kino?" Pane mai la ua kanaka Helene hei, ma ka olelo ana mai: "Aole iloko 0 kekahi oia mau wahi i koho ia ae Ia e oe; aka, he wahi i oi aku ka weliweli e hiki ole ai oe ke pakele ae mai ka hoopai e kau ia aku ana maluna ou." Haalele mai la ua kahuna Helene nei ia'u, a hoi aku la ia. A i kona hala ana'ku, a noho hookahi iho la au, ua hapai mai la au i na manao kawakawau, ame na manao uluku iloko o ko'u noonoo. E laweia aku ana au i kekahi wahi me ka hoomakapoia ana o ko'u mau maka. O ua wahi la hoi, aole ia he lua no na holoholona hihiu; aole hoi he imu ahi. Alaila, heaha keia wahi o'u e laweia aku ai? Ua hai 'mai nae ke kahuna Helene, he wahi weliweli loa ia. Aka, ua olinolino ae la na kukuna olu olu 0 ka manao hauoli iloko o'u no na olelo a ke kahuna Helene i hoike mai ai ia'u, aia na akua 0 ka poe Helene ma ko'u aoao, a ■ : _

o lakou auanei ka poe nana au e kokua mai. Eia nae, ua hookawakawau hou mai ke kahuna Helene ia'u ma ka olelo ana mai, ina e mau ko na akua aloha ia'u, alaila, e pa'ekana io ana au; a ina e loli ae ana ko lakou aloha, alaila, e lilo ana au i moepuu na ka make, no ka inaina 0 keia poe. Oiai no au e noonoo ana ma keia ano, aia hoi ua hemo mai la ke pani pohaku me ka hikiwawe loa, a komo mai la he elua kanaka. Hele mai la laua a loaa au; a me ka hiki wawe loa, ua pouli pu iho la ko'u mau maka, a ike ole ae la au i kekahi mea ke hana ia iho maluna o'u. Ua kukuluia ae la hoi au iluna a laweia aku la au no kahi a ke kahuna Helene i hoike mai ai ia'u. He aneane hora hookahi mahope iho, aia hoi, ua hookau ia ae la au maluna o ka hokua o kekahi lio, a nee aku la au ia wa me kekahi poe e ae no kahi e kau ia mai ai ka hoopai maluna o'u. Aole i maopopo ia'u ia wahi. Mamuli 0 na leo e hauwalaau ana ma 0 a maanei o'u e lawe makapo ia nei, i hoomaopopo ai au he Iehulehu ka poe e hele pu nei me a'u ia wa. Me he mea 'la nae, e lohe ana au i kekahi leo i kamaaina ia'u e noke ana i ka akaaka ano henehene. Me he mea la o ka leo o Auria ka'u e lohe ana, eia nae, he ano maopopo ole no nae ia'u, o kona leo paha keia a'u e Iohe nei, a i ole, o ka leo paha o kahi mea e ae i ano like me kona.