Ka Naʻi Aupuni, Volume V, Number 53, 16 March 1908 — Ka Hoike a Kekahi Luna Aupum no Iapana [ARTICLE]

Ka Hoike a Kekahi Luna Aupum no Iapana

"Ua makaukau ke Aupuni o Iapana e haawi mai i kekahi hookipa ohaoha nui i na aumokukaua Amerika malalo o ke alakai ana a Adimarala Evans ina e kipa aku ana no na kaiaulu o Iapana. O ka noho hoaloha ana mawaena, o na Mokuaina Huiia o Amerika ame ke Aupuni o Iapana^ ke onipaa nei no ia." O keia ka manao i hoikeia de e ke Kanikela Iapana maanei i loaa mai kekahi luna aupuni koikoi mai o Iapana, e hoomaopopo ana i ke alahele e hoopauia ai na manao ulu ku ame na walaau e pili ana no ke kaua. Ua olelo ae nohoi kekahi poe Iapana, o keia huakai hookahakaha a na aumokukaua Amerika no ke kaapuni ana i ke ao holookoa, oia kekahi q na moolelo ano nui o ka honua nei iloko o keia keneturia 20. E haalele ana na mokukaua ia Magedalena i keia mau la mahope iho o ka pau ana o na hana hookahakaha ame na hoomakaukau ana, e holo loa aku ana lakou no ke Ku-. lanakauhale Moiwahine o Kapalakiko, a me he mea la, e hoea loa mai ana na aumpkukaua no Hawaii nei ma ka la 15 o Iulai ae nei, a lualai ma Honolulu nei no 10 la. He nui na hookahakaha ki-pu i haawiia ae e na aumokukaua ma ko lakou alahele moana ma ke kulana kiekie loa.