Ka Naʻi Aupuni, Volume V, Number 53, 16 March 1908 — Hookuuia e Ka Papa Ola. [ARTICLE]

Hookuuia e Ka Papa Ola.

Ma ka Poalua iho nei i hookuu ia mai ai e ka Fapa Ola o Wahine hele,kekahi luna pepa a makou o Waihee, Maui, i paa ma Kalihi no 3 mahina mamuli o ka imihala a kekahiehaole. Ua lohe mai makou e hoopii ae ana ua makamaka la i keia haole no ka imihala. Ua nui ika hooikaika o ka malihini e paa <o "Wahinehele no ka ma'i imua o Jka Papa Ola, aka, ua nana ke kau v

ka o ka Papa Ola, a ua hoole mai oia no ka loaa ana o kekahi iloilo ma'i maluna o ke kino o ka mea i manaoia, a nolaila, ua hoole loa ka Papa Ola i ka aeana i ke koi hoomanao a keia haole. Ua haawi mai la ka Papa Ola i ka palapala hookuu ame ka uku moku no ko Wahinehele hoi ana, a pela hoi me kekahi mau dala no kona mauhemahema e ae. O ka hana pono wale no ia e lawelaweia ai no na poe o keia ano i mea e hiki ai ke hoopakeleia ka lahui mai na hana imihala mai. Ua maopopo na olelo o ke kanawai hoohuoi ma'i lepera, aole loa e hopu ia ke kino o kekahi mea i hoohuoiia no ka ma'i lepera, ke ole ma o kekahi palapala hopu la i hoohiki ia. Aka, o ka hopu ia

ana nae o kekahi poe, he ano okoa loa, me ka palapala liopu ole. Me he la nae, mamuli no iaokolakou ae wale ana a puni wale ana aku i na hana hoonuinui a hookohukohu a kekahi poe. O kekahi mea e hoomaopopoia e ko makou poe heluhelu, oia keia: | Ma ka wa a ka Papa Ola e paa ai i kekahi mea malalo o kona mana no ka ma'i lepera, mamuli o na hoike a ke kauka nana iloilo ma'i, ua loaa i ua mea la i hopuia ka mana e koho i kekahi kauka i laikiniia no ka nana ana iaia, a ina e kulike ole kana olelo hoike me ka olelo hoike mua, alaila, na keia mau kauka e koho i ko lakou kolu, a ma ka wa a ke kolu o na kauka e hoopuka ai i kana olelo hooholo e kakoo ana i ke kahka ma kou aoao, alaila, o kou hookuuia no ia. Aka, ina e koho keia kauka no ke kakoo ana i kela aoao, alaila, o ko ka Papa Ola kuleana ia. A ma kou wa e hookuuia ai, ua biki loa ia oe ke hoopii i ka poe nana i hoo hiki i ka palapala hopu ma ke ano imihala ia oe. Ma ka mokuahi Kalaudina o ka Poalima i hala, i huli hoi aku ai o Wahinehele no kona home ma Wai hee Maui. Aloha nui.